Circulares literae dioecesanae anno 1914. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
IV.
41 IV. Nr. 588. Epistola Cardinalis Statas Secretarii nomine Snmmi Pontificis ad me data. Ulme ac Revme Domine! Beatissimus Pater munus mihi defert, equidem acceptum, tibi gratias agendi quamplurimas de optimis felicitatis pacisque votis, quae, sacro Domini Nostri die natali lucescente et novo incipiente anno, Eidem, litteris obsequentibus expressisti. Sensus tui devotionis tuaque incessabilium precum pia promissio solatio utique affecerunt animum Suae Sanctitatis, Quae, ut pastoralis tua studiosa et sollicita voluntas in laetos uberioresque animarum salutis fructus magis succrescat in dies imploratam Benedictionem Apostolicam tibi clero fidelibusque tuis impertit peramanter. Amplitudini Tuae sum et permaneo in Domino Addictissimus R. Card. Merry del Val. Nr. 1555. Cura sanctorum oleorum impensius commendatur. Carissima divinae gratiae et misericordiae pignora, sancta quippe olea, ex pervetusto Matris Ecclesiae instituto in sacramentorum dispensatione adhiberi solita, posteaquam in cathedrali ab Ordinario rite benedicta ac respective confecta fuerint, indilate seu ipsa iam feria V. maioris hebdomadae ad singulas dioeceseos parochias deferri ibidemque ex Ritualis Romani Rubrica in loco nitido et decenter ornato fideliter custodiri debent, ne iis sacrilege quispiam abuti possit. Recipienda igitur sunt quotannis, siquidem Ritualis Rubrica (Tit. II. c. 1. n. 31.) iubet: „Sacrum Chrisma et Sanctum oleum, quod et catechumenorum dicitur, quorum usus est in baptismo, eodem anno sint benedicta ab Episcopo de more feria V in Coena Domini“, cui Rubricae altera succedit, videlicet: „curet parochus, ut ea suo tempore quam primum habeat, et tunc vetera in Ecclesia comburat.“ (n. 82.) Quale autem tempus sit, ad quod referri debeat illud curet quam primum, clare patet ex alia Rubricae dispositione. Cum singulis annis Sabbato S. (et in vigilia Pentecostes) baptismalis fons benedicendus et in eo nova olea feria V. praecedente sacrata debeant infundi; consequenter curandum omnino est, ut quam primum, scilicet summo mane Sabbati s., praedicta olea ad singulas parochias iam delata sint. Recipienda item sunt ex ecclesia ca- thedrali ab Ordinario loci, in signum communionis ecclesiasticae, indeque nullo modo ex aliena dioecesi, licet viciniori. Quamobrem omnibus et singulis distri- ctuum vicearchidiaconis et aliis, quibus 7
