Circulares literae dioecesanae anno 1914. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
XXIII.
Nr. 6597. Dispensatio ab obligatione applicandi missam pro populo diebus festis a Pio PP X. abrogatis. Piae memoriae Pius PP. X. teste rescripto S. Congr. Concilii die 3. Martii 1913. sub numero 1362. exarato parochos et parochiarum administratores archidioecesis Strigoniensis diebus e festivitatum numero expunctis per fel. rec. Clementem XIV. in Imperio Austriaco-Hungarico ab onere Missam pro populo applicandi de Apostolicae potestatis plenitudine ad quinquennium clementissime dispensavit si- mulque permisit, ut iidem sacrorum curiones praefatis diebus festis abrogatis stipendium a Sacrorum antistite oblatum acceptare illudque in emolumentum fundi pensionis sacerdotum cedere possint et valeant. Huic apostolicae dispensationi innixus die 6. Apr. 1913. in pagina separata omnibus sacerdotibus ad applicationem pro populo obligatis injunxi, ut diebus festis a Clemente XIV abrogatis missam ad intentionem Ordinarii applicent, nihilque de stipendiis curent, quae ego administratori fundi pensionis immediate tradam. In directorio anni currentis obligatio applicandi ad intentionem Ordinarii quoad festa a Clemente XIV. abrogata jam ad- notata est. Cum autem sacerdotum quiete donandorum numerus in dies cresceret, fundus vero alendis deficientibus sacerdotibus destinatus ingravescente rei frumentariae ac cibariorum caristia etiam cum suprafata gratia vix sufficeret, a Sanctissimo Patre petivi gratiam, ut dispensationem a praedecessore 3. Martii 1913. sub numero 1362. concessam etiam ad festos a Pio PP. X motu propio diei 2 Julii 1911. obrogatos extendere dignaretur. S. Congregatio Concilii auctoritate SSmi D. N. Benedicti PP. XV. attentis expositis gratiam juxta preces benigne impertita est 6. Novembris 1914. sub numero 4779. praesentibus perdurantibus rerum adjunctis. Facultate igitur apostolica munitus omnibus archidioecesis meae parochis et parochiarum administratoribus hisce in Domino injungo, ut inde ab ineunte anno 1915. usque dum Ordinarius Strigoniensis
