Circulares literae dioecesanae anno 1914. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
X.
128 fere universali, etiam in patria nostra vigente, ut plurimum non eo mensis die celebrabatur, quo consecratio ipsa peracta fuit, sed aliqua potius Dominica fixa, a a consecratore in dedicationis actu assignata, nec unquam sine venia Aposto- licae Sedis immutanda. Quia vero iuxta vigentes Rubricas Dominicae quaecunque assignationem cuiuslibet festi perpetuam omnino excludunt: anniversarium dedicationis ecclesiarum, licet unum sit ex festis Domini primariis, in aliam diem mensis fixam perpetuo reponi ac respective assignari debuit. Quia insuper consecrationes ecclesiarum aestivali et vel maxime autumnali tempore peractae fuerunt, earumque dedicationis anniversarium Dominicis post Pentecosten assignatum: existimavimus dictum anniversarium pro omnibus ecclesiis consecratis (cathedral! excepta) haud incommode transferri ad tempus autumnale, et quidem ad Octobris mensis diem 22, quae cum tota fere octava libera est a festis novem Lectionum ac proinde celebrationi talis Festi particularis aptissima. In posterum igitur, seu inde a Calendis anni 1915 omnes ecclesiae curiales, relicto suae consecrationis anniversario, licet olim ab Episcopo legitime fixo, annuam suae inaugurationis memoriam ritu liturgico celebrabunt 22 Octobris iuxta Rubricas; quod ut rite etiam ab omnibus fieri possit, omnia scitu necessaria in Calendario dioecesano adnotari curabimus. Si in quibusdam nefors parochiis templi natalis seu dedicationis anniversarium a curiatis fidelibus festive uti decet obiri soleat cum solemnitatibus congruentibus, nihil prorsus hac ex parte quoad externam solennitatem inconsulto Ordinario et ipsis fidelibus haud auditis immutetur, imo Sacrorum curionum erit laudabiles eatenus porro fovere et servare consuetudines. In tali casu Officium et Missa dici omnino debet iuxta Calendarium dioecesanum, sed in Missa de officio currente celebranda sub una conclusione addi poterit (non tamen debet) commemoratio dedicationis ecclesiae. Quod si in tali ecclesia plures fiant Missae, una so- lemnis seu cantata celebrari poterit de anniversario dedicationis, (quin de eo recitatum fuerit officium) et in ea, sub unica conclusione cum prima, additur oratio mysterii vel Sancti, in cuius honorem Ecclesia consecrata est. Denique adnotatur de ecclesia solummodo benedicta et solemni ritu consecrationis ab Episcopo haud lustrata, officium dedicationis nullatenus esse recitandum, nec Missam celebrandam. Officina libraria Friderici Equitis Pustet, institoris Ratisbonensis, Apostoli- cae Sedis et Rituum Congregationis typography de arduo edendorum librorum liturgicorum labore optime meriti, novam nuperrime omnibus numeris absolutam Breviarii Romani (formae, quam dicunt in XVIII) adornavit editionem, in quatour partes divisam, quam utpote ad normam bullae „Divino afflatu“ et motu proprio „Abhinc duos annos“ dispositam et incusam, recentissimisque decretis plane conformem, ipsa S. R. C. die 25 Martii a. c. uti typicam habendam declaravit. In hoc prorsus novo Breviario, cuius singula folia a S. R. C. recognita fuerunt, omnes sive in textu sive in specialibus rubricis factae immutationes propriis locis insertae habentur, et Responsoria de tempore, quorum usus iuxta novas rubricas quotidianus fere est, non amplius citantur, sed ad Nr. 3361. Novum editionis typicae Breviarium Romanum commendatur.
