Circulares literae dioecesanae anno 1912. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XIII.
125 21 maii 1912, praevio Rmorum DD. Consultorum voto, perdiligenti examine discussa, Emi ac Rnfi Dni Cardinales in rebus fidei et morum Inquisitores generales, omnibus mature perpensis, decreverunt : „Praescriptionem Decreti Ne temere, n. IV. § 3. de requirendo per parochum excipiendoque, ad validitatem matrimonii, nupturientium consensu, in matrimoniis mixtis in quibus debitas cautiones exhibere pervicaciter partes renuant, locum posthac non habere; sed standum laxative praecedentibus Sanctae Sedis ac praesertim s. m. Gfregorii PP. XVI (Litt. app. diei 30 Aprilis 1841 ad episcopos Hungáriáé) ad rem concessionibus et instructionibus: facto verbo cum Ssmo.u Et sequenti feria V die 23 eiusdem mensis Ssmus D. N. D. Pius divina providentia PP. X, in solita audientia R. P. D. Adsessori huius supremae sacrae Congregationis sancti Officii impertita, relatam sibi Emorum Patrum resolutionem benigne adprobare ac suprema sua auctoritate in omnibus ratam habere dignatus est. Contrariis quibuscumque, etiam speciali atque individua mentione dignis, non obstantibus. Datum Romae, ex aedibus S. Officii, die 21 iunii 1912. L. f S. Aloisius Castellano, S. R. et Ü. I. Notarius. Nr. 5129. Declarationes circa novas rubricas. Ad praecavendas dubitationes, quae super recta interpretatione tituli X. n. 2 et 5 novarum rubricarum quae sequuntur constitutionem Divino afflatu oriri possunt, S. Rituum Congregatio, audito Commissionis Liturgicae suffragio, sequentes declarationes evulgare censuit, nimirum: I. Quandocumque in feriis maioribus Missam propriam habentibus ceterisque diebus, de quibus tit. et num. supracitatis, Missa de feria celebretur, dummodo reapse pro defunctis applicetur, addi potest oratio pro defunctis in quorum suffragium celebratur, etiamsi in ea agenda sit commemoratio de occurrente festo duplici minori vel maiori. II. Huiusmodi oratio pro defunctis non excludit in casu orationes de tempore, nisi occurrat commemoratio duplicis. III. Quando additur ista oratio pro defunctis, non est attendendus numerus orationum utrum sit dispar an non. IV. Haec eadem oratio pro defunctis, semper recitari debet poenultimo loco inter orationes ea die a rubricis praescriptas vel permissas, non computatis collectis ab Ordinario imperatis. V. Oratio pro defunctis, in quorum suffragium Missa de feria applicatur, addi potest, etiamsi ea die a rubricis praecipiatur oratio Omnipotens sempiterne Deus pro vivis et defunctis, vel Fidelium pro omnibus defunctis. VI. Ut rite legitimeque applicari possit pro defunctis indulgentia altaris pri- vilegiati, oportet ut diebus, in quibus a novis rubricis permittitur, missa de feria omnino celebretur, addita ut supra oratione pro defunctis pro quibus Missa ipsa celebratur. VII. Licet iuxta novas rubricas tit. VIII. n. 2. cessata sit obligatio recitandi in choro officium defunctorum, nihilominus adhuc servari debet rubrica missalis tit. V. n. 1 et 2 circa Missam pro defunctis celebrandam, sive in cantu cum praesentia choralium, si agatur de Missa
