Circulares literae dioecesanae anno 1910 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XXII.

270

Oratio SS. Sacramenti dici debet post omnes commemorationes seu orationes a Rubrica praescriptas (S. R. C. 18. Martii 1874. n. 3328.), sed semper ante orationes imperatas. Semper item dici debet sub distincta seu altera conclusione, exceptis dupl. I. et II. classis, in quibus sub unica fit conclusione (S. R. C. 18. Sept. 1877. n. 3436.), nisi alia specialis commemoratio alicuius Dominicae, diei Octavae aut Feriae privilegiatae sub distincta conclusione sit facienda, cui in hoc casu ultimo loco adiungitur. (S. R. C. 3. Martii 1761. n. 2461.)

XV. Diebus, quibus missae votivae licent, valde convenit celebrare Missam votivam de SS. Sacramento, quae tamen licet cantetur solemniter, numquam censeri debet uti solemnis, sed uti privata et in ea neque Gloria, neque Credo dici potest; 2. or. erit officii currentis, 3. vigiliae, simplicis aut feriae occurrentis; Praefatio de Nativitate, Benedicamus Domino, ult. Ev. semper erit S. Joannis.

Missa haec votiva permittitur tantum in semiduplicibus, simplicibus et feriis non privilegiatis, uti initio Directorii fusius habetur.

XVI. In altari expositionis, nulla alia (sine necessitate, vel gravi causa) praeter unam solemnem seu cantatam pro expositione, Missa celebretur. (S. R. C. 11. Maii 1878. n. 3448.) Attenta tamen im- memoriali consuetudine legitime iam invecta praeter Missam expositionis, aliam

— quae praecipua est solemnitatis, cuique magnus populi concursus adesse solet

— celebrandi in altari (maiori), ubi so- lenniter expositum est SS. Sacramentum,

S. R. C. declaravit, tolerari posse. (27. Sept. 1864. n. 3124.) Attamen prohibitum omnino est Sanctissimum e throno dej promere, ut in principio aut in fine eius- modi Missae benedictio cum eodem impertiatur. Ubi igitur talis abusus vigeret, absque mora sistatur et abscindatur.

XVII. Durante expositione SS. Sacramenti nulla in eadem ecclesia celebretur Missa de Requiem sive cantata sive privata (S. R. C. 13. Martii 1804. n. 2558.) ; sed anniversaria anticipentur aut ad proximum diem transferantur. (S. R. C. 2. Dec. 1891. decr. gen. n. 3733.)

XVIII. Tres tabellae, quas Rubrica ad celebrantis commoditatem praescribit, ab altari expositionis statim removendae sunt atque Missa finita fuerit. (S. R. C. 20. Dec. 1864. n. 3130.)

XIX. Ad altare, in quo Sanctissimum expositum est, Communionem distribuere non licet neque intra neque extra Missam (S. R. C. 8. Febr. 1879. n. 3482.). Quapropter pridie expositionis praeparetur tabernaculum decens ad altare laterale et particulae consecratae ad hoc tabernaculum deferantur ibique custodiantur, ut Communio ad altare hoc laterale distribui possit. Si nihilominus deficiente alio altari vel tabernaculo, SS. Eucharistia administranda sit, sacerdos attendat solum ad Sacramentum, quod prae manibus tenet, nulla habita ratione expositionis. Quapropter intra distributionem transeundo in plano ante Sanctissimum expositum minime genuflectat. Caveat item, quantum fieri poterit, ne tergum vertat Sanctissimo exposito. Ideoque dicens Agnus Dei etc. se sistit versus cornu Evangelii, descendendo ab altari ad communicandos facit semicirculum et in utroque latere mensae Communionis se vertit ut ad Lavabo in Missa coram exposito Sanctissimo facie ad altare et tergo ad populum conversis; benedictionemque