Circulares literae dioecesanae anno 1910 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
X.
103 diem 1 Novembris 1908; quaeque sive ante sive post eamdem diem 1 Novembris 1908 a quovis alio, praeter recensita, S. Sedis Officio seu Dicasterio prodierunt? 3. ° An Indulgentiae ac facultates Indulgentias respicientes ante diem 1 Novembris 1908 aliter quam per tramitem alicuius ex supra laudatis S. Sedis Officiis seu Dicasteriis obtentae, debeant et ipsae S. Congregationi S. Officii exhiberi ab eaque recognosci sub poena nullitatis? 4. ° Utrum S. Congregationi S. Officii recognoscendae, ut supra, exhiberi debeant facultates, quae conceduntur ex peculiari Apostolico privilegio ab Ordinibus Religiosis, tamquam ipsorum propriae, benedicendi pias imagines, coronas, scapularia, numismata et similia (utpote a Minoribus pro Crucifixis ad Viam Crucis, a Praedicatoribus pro coronis Rosarii, a Carmel itis pro scapularibus B. M. V. de Monte Carmelo, etc.) eiusque Indulgentias adnectendi? Quibus mature perpensis, Emi ac Rmi DD. Cardinales Inquisitores Generales in plenario conventu habito feria IV die 15 curr. mensis Iunii respondendum decreverunt : Ad 1-um Negative. Ad 2-um Affirmative ad utramque partem. Ad 3-um Affirmative. Ad 4-um Negative. Sequenti vero feria V die 16 eiusdem mensis SSmus D. N. Pius divina providentia PP. X in solita audientia R. P. D. Adses- sori S. Officii impertita, Emorum Patrum resolutiones adprobare et confirmare dignatus est atque insimul declarare „non fuisse suae intentionis comprehendere sub N. 1° Motus Proprii „Cum per Apostolicas“ facultatem Benedictionem Apostolicam cum Indulgentia Plenaria una alterave vice vel determinato alicui personarum coetui impertiendi“. Romae, ex Aedibus S. Officii, die 17 Iunii 1910. Aloisius Giambene, L. f S. Substitutus pro Indulgentiis. In literis Circularibus die 30 Maii a, c. (VIII p. 82) publicavimus Decretum motu proprio a Sua Sanctitate die 7 Aprilis editum, tenore cujus concessiones Indulgentiarum Supremae Sacrae Congregationi Sancti officii exhibendae sunt intra sex menses fine recognitionis. Ut autem hanc recognitionem sacerdotibus archidioecesis Nostrae faciliorem reddamus, praesentibus provocamus omnes, quorum interest, ut documenta, quae respiciunt concessiones indulgentiarum ac facultatum benedicendi objecta eisque adnectendi indulgentias et privilegia, officio archidioecesano usque ad 15 Augusti anni currentis submittant, quatenus de eorum recognitione cura haberi possit. Adnotamus tamen tenore supra communicatae resolutionis S. Officii recognitionem concessionum indulgentiarum, quae ante diem 1. Nov. 1908 a S. Congregatione Indulgentiarum aut a Secretariis Brevium emanaverunt, non esse necessariam ideoque hujusmodi documenta non esse exhibenda. Ex Decretis S. R. C. n. 3661 Hali- faxien. 16 Aprilis 1866 ad III et n. 3876 Quebecen. 13 Decembris 1895 ad VIII dies electionis seu translationis Episcopi est ille, in quo provisio Ecclesiae Episcopalis a Summo Pontifice publicatur in Consistorio, sive ipsa electio seu translatio fiat in Consistorio, sive in eo tantum enuncietur electio seu translatio antea Nr. 2146. De recognitione indulgentiarum ac facultatum benedicendi. Nr. 4211. Super Missa seu Collecta in anniversario electionis seu translationis Episcopi, iuxta Caeremo- niale Episcoporum.
