Circulares literae dioecesanae anno 1908 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
II.
17 Nr. 42. Festum Ap- paritiouis B. M. V. Immaculatae extenditur ad universam Ecclesiam. URBIS ET ORBIS. Immaculatae Mariae Virginis vulgatum nomen de Lourdes, e celeberrimis ipsius Deiparae apparitionibus quae prope Lapurdum, Tarbiensis dioecesis oppidum, anno quarto a dogmatica definitione de Immaculato Conceptu eiusdem Virginis evenerunt, quum in dies magis magisque inclaruerit, simulque fidelium pietas et cultus ob innumera exinde accepta beneficia, saepissime additis prodigiis, ubique terrarum mirifice adauctus sit; multi Romanae Ecclesiae Patres Purpurati, ac plurimi sacrorum Antistites et Praesules e cunctis orbis regionibus, praeeunte Episcopo Tarbiensium, Sanctissimo Domino Nostro Pio Papae X supplicia vota enixe porrexerunt rogantes, ut festum Apparitionis B. M. V. Immaculatae, vulgo de Lourdes, a fel. rec. Leone XIII petentibus tantummodo ecclesiis et religiosis familiis concessum, ad universam catholici orbis Ecclesiam suprema auctoritate Sua benigne extendere dignaretur. Quare Sanctitas Sua, exceptis libentissime eiusmodi precibus, Praedecessorum suorum vestigiis inhaerens, qui Lapurdense Sanctuarium permultis attributis privilegiis cohonestarunt: innumeris quoque peregrinationibus permotus, quae, mira sane fidei professione, frequentissimo fidelium turmarum concursu nunquam intermisso ad memoratum Sanctuarium peraguntur: maxime vero pro Suamet erga Dei Genitricem primaeva labe expertem constanti pietate, ac spe fretus ob ampliorem Immaculatae Virginis cultum, rebus in arctis Christi Ecclesiae adauctum iri potens Ipsius opiferae auxilium; festum Apparitionis B. M. V. Immaculatae, quod a plurimis dioecesibus et regularibus familiis iamdiu celebratur, inde ab anno insequenti, qui a Deiparae Virginis ad Davi fluminis oram apparitionibus quinquagesimus erit, vel a nongentesimonono supra millesimum, in universali Ecclesia sub ritu duplici maiori, cum Officio et Missa iamdiu approbatis, undecima die Februarii quotannis recolendum iussit: servatis Rubricis et Decretis. Praesens vero Decretum per me infrascriptum Cardinalem Sacrorum Rituum Congregationi Praefectum expediri mandavit. Contrariis non obstantibus quibuscunque. Die 13 Novembris 1907. — S. Card. Cretoni, Praefectus. — f D. Panici, Archiep. Laodicen., Secretarius. Die 11 Februarii in festo apparitionis B. M. V. Immaculatae duplex maius. Officium et Missa propria, a S. R. C. approbata, die 11 Iulii 1890, cum. sequenti additione ad calcem VI. Lectionis: „Tandem Pius X Pontifex Maximus, pro sua erga Deiparam pietate, ac plurimorum votis annuens sacrorum Antistitum, idem festum ad Ecclesiam universam extendit.“ Sanctissimus Dominus Noster Pius Papa X, referente me infrascripto Cardinali Sacrorum Rituum Congregationi Praefecto, suprascriptam additionem inserendam Officio proprio de Apparitione B. Mariae Virginis Immaculatae benigne approbare dignatus est. Die 27 Novembris 1907. — S. Card. Cretoni, Praefectus. — t D. Panici, Archiep. Laodicen, Secretarius. Inter singularia divinae charitatis beneficia non. aliud majori solatio misera peccati labe infectos reficit, quam quod Christus Dominus tribunal misericordiae in Sacramento Poenitentiae erexit, ut cum fiducia ad thronum gratiae acceNr. 3. Reservatio casuum in sede confes- sionali.
