Circulares literae dioecesanae anno 1908 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XIX.
203 habeat rationem declinandi hoc officium, auditis ceteris túrni seu coetus Auditoribus, suo decreto statuet qui vice sua Ponentis munus suscipiat. Can. 22. § 1. Si in aliqua causa opus sit instructione processus, instructio fiat juxta receptas canonicas regulas. § 2. Ponens autem seu Relator non potest simul esse cusae instructor, sed hoc officium a Decano debet damandari alicui Auditori alterius túrni. Can. 23. § 1. Causa coram Sacra Rota introducta et instructa, actor, vel etiam conventus, si ipsius intersit, Ponentem rogabit ut diem dicat alteri parti pro contestatione litis, seu concordatione dubiorum. § 2. Ponens, vel ejus studii adjutor, in calce libelli diem constituet. Quod in exemplari authentico alteri parti communicari statim debet. Can. 24. § 1. Si die assignata pro concordatione dubiorum pars in jus vocata non compa- reat, et legitimam excusationem absentiae dare negligat, contumax declarabitur, et dubiorum formula ac dies propositionis causae ad postulationem partis praesentis et diligentis ex officio statuetur: idque statim ex officio notum fiet alteri parti, ut, si velit, excipere possit contra dubiorum formulam, et a contumacia se purgare, constituto ad hoc a Ponente vel ejus studii Adjutore congruo temporis termino. § 2. Si partes praesentes sint, et conveniant in formula dubii atque in die propositionis causae, et Ponens vel ejus Adjutor ex parte sua nil excipiendum habeant, dabitur opportunum decretum quo id constabiliatur. § 3. Si vero partes non conveniant in formula dubii, aut in die propositionis causae: itemque si Ponens vel ejus Adjutor censeant acceptari non posse partium conclusiones, definitio controversiae reservatur judicio totius túrni; qui quaestione incidentali discussa decretum ad rem feret. § 4. Dubiorum formula utcumque statuta mutari non potest nisi ad instantiam alicujus partis, vel promotoris justitiae, vel defensoris vinculi, audita altera parte, novo Ponentis vel túrni decreto, prout fuerit vel a Ponente vel a turno statuta. § 5. Dies eodem modo mutari potest; sed haec mutatio fieri potest etiam ox officio, si Ponens vel turnus necessarium ducant. Can. 25. § 1. Sententiae, decreta et acta quaelibet contra quae expostulatio facta sit, exhibenda sunt Sacrae Rotae saltem decem dies ante litis contestationem. § 2. Documenta quae partes in propriae thesis suffragium producenda habent, triginta saltem dies ante causae discussionem deponenda sunt in protocollo Sacrae Rotae, ut a judicibus et tribunalis administris atque ab altera parte examinari possint in ipso loco protocolli, unde ea asportari non licet. § 3. Debent autem esse legitima forma confecta, et exhibenda sunt in forma authentica, colligata in fasciculo, cum adjecto eorum indice, ne subtrahi aut deperdi possint. Can. 26. § 1. Defensio typis est imprimenda: et triginta dies ante causae discussionem
