Circulares literae dioecesanae anno 1904 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XIX.
213 Nr. 4179. Statuta oblatorum s. Benedicti in saeculo degentium. XIX. Statuta Oblatorum s. Benedicti in saeculo degentium. 7°. — De Oblationis et Oblatorum ratione. Oblatio, qualis hic intenditur, ritus est, ab Ecclesia approbatus, quo quis Christi- fidelium in saeculo degens majoris perfectionis desiderio actus, necnon peculiari quodam in monachorum Patriarcham ej usque Ordinem affectu, sese Deo, Salvatori, B. Mariae Virgini, S. P. Benedicto offerens, cuidam monasterio ejusque familiae eo fine se adscribit, ut ad mentem SSmi Legislatoris vitam perfectius instituat, spiritualibus Ordinis bonis specialibusque gratiis, Oblatis ab Ecclesia concessis, communicet, monasterii denique, cui nomen dederat, Ordinisque universi bonum pro viribus promoveat. Quae quidem oblatio, licet nec voti nec perpetuitatis rationem importet, quum tamen sit maturum voluntatis propositum, Deo hominibusque expressum ac ritu sacro firmatum, magni sane habenda est. Utriusque sexus fideles, clerici aeque ac sacerdotes, a quocumque Abbate regiminis vel Priore conventuali ad proprium coenobium Oblati recipi possunt. Quum autem Oblatorum sit, majoris pietatis vitam stabilius anhelare, illos tantum in eorum numerum admitti oportet, qui gravitate morum ac bona fama commendentur ; neque ullus ad novitiatum admittatur, quin decimum septimum annum compleverit. Tertio circiter mense a prima petitione elapso, vel statim, si candidati perseverantiae satis confidendum videatur, signum SSmi P. Benedicti necnon scapulare nigrum, sub habitu saeculari dein jugiter gestandum, ipsi imponantur. A qua vestitione elapso anno, novitius ad oblationis actum, in manus Abbatis Prio- risve peragendum, admittatur. Tam ad Primam vestitionem quam ad accipiendam oblationem Abbati vel Priori conventuali liceat, utriusque cleri sacerdotem delegare. Oblatorum nomina tabulis coenobii proprii inscripta exhibeantur, quo fidelius ejusdem loci confratres memoriam eorum coram Deo servent. Oblati ad Ordinem monasticum quadam ratione se habent, sicut Tertiarii ad eorum res- pectivum Ordinem. Nomine vero „ Tertiarii“ minime sunt vocandi, quum unam tantummodo regulam scripserit Cassinensis Legislator. 2°. — De Morum Conversione. Praeter virtutes, a quibus Christianae vitae ratio pendet universa, fidem scilicet, spem et charitatem, Oblati a vanitate saeculi mundanisque pompis abhorrentes, sententiae Salvatoris nostri memores : „De 33
