Circulares literae dioecesanae anno 1902 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XIV.
131 Nr. 3562. Preces ad Dominam Nostram Lourdensem et indulgentia 300 dierum iisdem adnexa. XIV. LEO PAPA XIII. Ad perpetuam rei memoriam. Oblatis Nobis ab Antistite Tarbiensi precibus benigne annuentes, de Omnipotentis Dei misericordia ac BB. Petri et Pauli App. eius auctoritate confisi per praesentes, omnibus et singulis fidelibus ex utroque sexu qui corde saltem contrito et devote orationem quoties recitent quocumque iclio- mate, dummodo versio fidelis sit, exaratam in honorem Nostrae Dominae Lapurdensis, cuius exemplar latine inscriptum atque legitima auctoritate probatum verbis incipit: „Sancta Maria Mater Dei . . .“ ac desinit in verba „in hac vita Iesum Christum et in aeternitate, amen“ in Tabulario Secre- tariae Nostrae Brevium asservari iussimus in forma Ecclesiae consueta, toties tercen- tos de poenalium numero dies expungimus ac largimur iisdem liceat si malint partiali hac indulgentia labes poenasque Functorum vita expiare. Contrariis non obstantibus quibuscumque. Praesentibus perpetuis valituris temporibus. Volumus vero ut praesentium litterarum authenticum exemplar tradatur ad Congregationem Indulgentiis Sacrisque Reliquiis praepositam ut harum transumptis seu exemplis etiam impressis manu alicuius notarii publici subscriptis et sigillo personae in ecclesiastica dignitate constitutae munitis eadem prorsus fides adhibeatur ipsis praesentibus si forent exhibitae vel ostensae. Datum Romae apud S. Petrum sub annulo Piscatoris die XXII. Juni MDCCCCII. Pontificatus Nostri anno Vigesimo Quinto. Pro D.-no Card. MACCHI N. Marini, Sub. Praesentium exemplar litterarum delatum fuit die 28. Iunii 1902. ad hanc Secre- tariam S. Cong. Indulgentiis Sacrisque Reliquiis praepositae. In quorum fidem, etc. Datum Romae ex eadem Sec. ria die 28 Junii 1902. L. f S. los. M. Can. Coselli, Substitutus. ORATIO. Sancta Maria Mater Dei, quae apud Lourdes oppidum visibilem te ostendere dignata es, ut hominum fidem renovares, eosque adduceres ad divinum Filium tuum Iesum Christum Dominum nostrum; Tu quae ad secreta misericordiae tua manifestanda humilem puellam elegisti; quo clarius materna animi tui sensa effulgerent, nostrisque cordibus sperandorum bonorum adderes fiduciam; Tu quae effata es: „Immaculata Conceptio ego sum“ ut innocentiae pretium infinitum, idemque divinae 21
