Circulares literae dioecesanae anno 1900 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XI.
84 Nr. 2367. Nova administrandorum s. peculiorum statuta publicantur et dimittuntur. Praeceptis sacrosanctae Tridentinae Synodi1 obsequentes p. m. praedecessores mei sapientissima circa administrationem peculiorum sacrorum statuta sanxerunt, quae si semper ab omnibus, ad quos attinet, religiose servata fuissent, non utique pecuniis sacris tot calamitates ac damna inferri potuissent. Verum haud absque animi moerore experti sumus, plurima ex hisce praescriptis aut penitus oblivioni data aut neglecta, atque non levia exinde damna sacris fiscis illata fuisse. Quapropter multis malis, quae adhuc exoriri possent, medelam allaturi, statuta administrandorum peculiorum sacrorum in hac archidioecesi adusque vigentia in novam formam redigi et lingua hungarica conscribi curavimus, ut hac ratione distinctim ac dilucide proponantur atque etiam a syndicis, qui sat gravem hac in re partem capiunt, prae oculis haberi possint ea omnia, quae administrationem fisci sacri et rationes reddendas concernunt. Adiecimus insuper -—- auditis archi- diaconorum sententiis — quaedam nova praescripta, quae ad negotium hoc rite expediendum necnon ad rationes clare conficiendas multum conducere videntur. Cum igitur duo exemplaria horum statutorum his nostris literis adnectimus, mandamus et singulis peculiorum sacrorum ac piarum fundationum administratoribus severe iniungimus, ut quae inibi praescribuntur, integerrimae mentis conscientia et summa religione servent et exsequantur. In specie autem disponimus et mandamus haec: 1. Alterum exemplar statutorum transmissorum diligenter custodiatur in archivio parochiali et inseratur inventario; alterum 1 Sess. XXII. Cap. 8. et 9. autem pro usu ac directione tradatur syndico. 2. Propositio syndicorum nominandorum in posterum ubicunque ita peragatur, prouti in Statutis praecipitur.2 3. Consultationes de rebus ad administrationem peculii sacri pertinentibus, quae plurimis in locis obliteratae sunt, Statutis3 conformiter rite serventur atque de iis tabulae conficiantur. 4. Omnes recursus ac relationes administrationem peculiorum sacrorum respicientes etiam a syndicis subsignentur et semper mediante officio vicearchidiaconali substernantur. Libellorum, qui hisce postulatis non respondent, nulla ratio habebitur. 5. Pro exarandis seu consignandis piis fundationibus nonnisi philyrae impressae adhibeantur. 6. Summa capitalis pro missarum fundatione offerenda ut ex Statutis patet4 in maiori defixa est. Quapropter eae tantum fundationes abhinc ab Ordinariatu acceptabuntur et confirmabuntur, pro quibus minimális saltem summa praescriptis Statutorum respondens deponetur. 7. Elenchus missarum. fundatarum in tabula marginata inclusus in sacristia cuiuslibet ecclesiae exponatur et quidem sub vitro patenti in loco. 8. Rationibus abhinc adiungendus erit computus erogationum ac perceptionum pro anno proximo ab administratoribus fisci sacri confectus. 9. Gravissimum munus revisionis A. R. D. Vicearchidiaconi eo vel magis sollicite exsequi contendant, quod pro rationibus revisis et praescripta clausula subscriptis responsionis onere teneantur. 2 I. Fej. 4. et 5. §§. 3 I. Fej. 12. §. 4 V.Fej. 2. §.