Circulares literae dioecesanae anno 1900 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
VI.
40 Nr. 1349 iuxta Rubricas et Decreta accurate perficiantur, remotis consuetudinibus non probatis, a Sacra Rituum Congregatione sequentium dubiorum solutionem humiliter expetivit; nimirum: Dubium I. An tolerari possit usus adhibendi Cymbalum seu Pianoforte in matutinis Tenebrarum et in Missis ferialibus quae Organum excludunt; et dum cantatur passio? Dubium II. An permitti possit ut in cantu Passionis Diaconus, qui repraesentat Synagogam, eas tantum sententias cantet quae ab uno proferuntur, ut a Petro, Caipha, Pilato etc.; sententiae vero turbae cantentur a schola, ordinarie ex laicis conflata? Dubium III. An tolerari possit antiqua et valde generalis consuetudo, ut in festis solemnioribus Sanctorum, in Vesperis, eorum imagines, hinc et inde iuxta altare collocatae, incensentur triplici ductu, post thurifi- cationem Altaris, celebrante se sistente successive ante singulas ipsas Imagines? Dubium IV. An permitti queat, ut in aliqua solemnitate Missa incipiat in meridie, ita ut ob solemnitatem cantus et concionem, Missa se protrahat usque ad horam secundam vel amplius? Et Sacra Rituum Congregatio ad relationem Secretarii, exquisito voto Commissionis Liturgicae reque mature perpensa, respondendum censuit: Ad I. „Negative in omnibus“. Ad II. „Permitti posse“. Ad III. „Affirmative sed duplici ductu“. Ad IV. „Prudenti arbitrio Ordinarii“. Atque ita rescripsit. Die 7. Julii 1899. CAPUANA. Metropolitanae Ecclesiae Capuanae Canonici, qui pontificalium usu ad instar Abbatum necnon maioribus insigniis gaudent, quum Feria V. Maioris Hebdomadae ab Episcopo auxiliari, vel non proprio, Sacram Communionem accipiunt, manum ei minime osculantur, nec assistendam praebent eidem conficienti olea sacra, vel sacras Ordinationes habenti, vel alias solemnes functiones, stricte episcopales loco Archiepiscopi proprii exequenti; eo quod aiunt hanc esse Capuani Capituli consuetudinem. Hinc a Sacra Rituum Congregatione postulata fuit sequentium dubiorum resolutio, nimirum: Dubium I. Tenenturne supradicti Canonici osculari manum Episcopo Auxiliari vel non proprio, dum ab eo Sacram Communionem accipiunt in Missa Feria V. Maioris Hebdomadae? Dubium II. Tenenturne assistere eidem conficienti Olea Sacra, Sacras Ordinationes habenti, vel alias solemnes functiones stricte episcopales pro Archiepiscopo proprio exequenti? Et Sacra Rituum Congregatio, referente Secretario, audito etiam voto Commissionis Liturgicae, propositis dubiis respondendum censuit: „Affirmative in omnibus“. Atque ita rescripsit. Die 5. Martii 1898. BEATISSIME PATER. Episcopus N. N., ad pedes S. V. provolutus, humillime quae sequuntur exponit: Per Decreta S. R. et U. Inquisitionis dierum 20. Februarii 1888 et 1. Martii 1889, S. V. benigne facultatem fecit locorum Ordinariis, Parochis communicabilem, etiam per habitualem subdelegationem, qua, urgente mortis periculo, dispensare valeant cum iis, qui iuxta leges civiles sunt con- iuncti, aut alias in concubinatu vivunt, super impedimentis quantumvis publicis Nr. 1350. Concubinarii in articulo mortis dispensari possunt etiam super imped, clan- destinitatis.
