Circulares literae dioecesanae anno 1900 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XVII.
XVII. DECRETUM GENERALE circa commemorationes agendas ad Laudes et Vesperas in Suffragiis Sanctorum. Nr. 4628. Quum dubia saepius exoriantur circa Commemorationes in Suffragiis agendas, tum ex eo quod varios casus particulares- que generalis non valeat contemplari Rubrica; tum quia super eadem declarationis innumerae, ab hac Sacra Congregatione prolatae, in Decretorum Collectione hac illae dispersae, sine gravi labore vix reperiri queant; ac praeterea, pro variis locis casibusque peculiaribus plerumque emanatae, quamdam aliquando antinomiae speciem inter sese ferre videantur; ut in re quotidiani fere usus, quae in diversis Ecclesiis, pro varietate Titulari um ac Patronorum, necessario est dissimilis, norma quaedam certa habeatur et obvia; Sacra Rituum Congregatio, re mature considerata, per Generale Decretum ad dubia quaecunque tollenda, ea quae sequuntur declarare ac decernere statuit: I. Quilibet, sive Secularis sive Regularis, alicuius Ecclesiae servitio, quocunque canonico titulo, addictus, dummodo Ecclesia sit publica, etsi non consecrata, tenetur, tam in Vesperis quam in Laudibus, diebus a Rubrica notatis, inter Suffragia Commemorationem agere de eiusdem Ecclesiae titulo, non obstante quacumque consuetudine contraria, etiam immemorabili; et quamvis commemoratio iam soleat fieri Patronorum loci vel regionis. II. Commemorationes in suffragiis nunquam fiant de iis Mysteriis vel Sanctis, de quibus eadem die agitur officium. Immo neque in Officio votivo de Passione, liat commemoratio de S. Cruce aut de SS. Sacramento, in quo recolitur memoria Passionis Christi; sed neque de S. Michaele Archangelo in Officio votivo SS. Angelorum. III. Similiter, Commemoratio de Ecclesiae Titulo, iam communiter in Suffragiis agenda, semel tantum fiat, et per Antipho- nam communem. Itaque, si Titulus Ecclesiae sit ipsa Sancta Crux, eius commemoratio, tam intra quam extra tempus Paschale, non fiat nisi semel; et per Anti- phonam, Versiculum et Orationem, quae inter Suffragia pro diversitate temporum annotantur. Pari prorsus modo, Commemoratio de Reata Maria Virgine, alicuius Ecclesiae Titulari, etiam sub denominatione Annuntiationis, vel Assumptionis, vel huius- modi quacumque alia, fiat semper per An- tiphonam communem „Sancta Maria succurre miseriscum Versiculo et Oratione ibidem suppositis; et haec sola Commemoratio sufficiat, ut dictum est supra. IV. Si vero tam offfeium diei, quam 23
