Circulares literae dioecesanae anno 1898 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

IV.

•29

populorum indole et locorum circumstantiis mutanda videntur, festa saecularia et apte praeparari et digne agi possint, quos breviter hic recensemus.

J. Praeparationis inedia.

Cum Obsequium solemne signum esse debeat, reviviscentis Christianorum fidei, in primis mentis et animi praeparationem requirit.

Jesu Christi cognitio ad eum amandum, eiqué serviendum et divinam legem observandam maxime nos impellit, sicuti etiam cognitio iniuriarum elapso saeculo divinae Majestati illatarum quemquam ad poenitentiam, cordis contritionem videlicet et expiationis studium movent. Praeparationis media idcirco praecipua sint:

J. Verbum Dei praedicandum.

Maiore quam ordinaria frequentia promoveantur ubique et peragantur „Missiones sacrae“ et exercitia spiritualia. Animarum praesertim curam habentes in sacris concionibus, sive publice fiant sive in religiosis sodalitiis et congregationibus non omittant docere Christum et ab Ipso mundo allata summa beneficia. Scripto quoque verbo omnes, qui possunt, ad idem aspirent.

2. Preces communes.

In omnibus dioecesibus, temporibus et locis a singulis Ordinariis determinandis, functiones sacrae celebrentur atque publicae per triennium instituantur orationes pro impetranda populorum in fide perseverantia, pro pace et incolumitate Sanctae Ecclesiae, Romani Pontificis omniumque nationum. Ad hunc finem offerantur etiam S. Communiones, Expositiones et Adorationes SS. Sacramenti necnon preces piarum cuiusvis generis catholicarum Societatum.

■Í. Peregrinationes.

Peregrinationes ordinentur in signum devotionis et fidei ad insigniora sanctuaria variorum locorum; omnes vero catholici invitentur ut tribus communibus peregrinationibus vel in persona vel in spiritu intersint.

a) Anno 1898. Peregrinationi ad urbem „Lourdes“, qua sanctum opus Virgini Immaculatae consecretur, atque ea intercedente gratiam obtineamus, ut omnium vires concurrant, ut solemne reddant et memorabile fidelitatis et expiationis obsequium Jesu Christo Redemptori praestandum.

Memoriale (aureum in cordis forma), quod ibi offeretur, testimonium erit perpetuum devotionis erga Mariam, quae corda inflammat Christianorum atque omnes indole, moribus, linguis, seiunctos populos ut fratres eiusdem familiae S. Ecclesiae, filios eiusdem patris Romani Pontificis coniungit et unit.

b) Anno 1899. Peregrinationi ad loca sancta, qua in omnium animis ignis vivus accendatur amoris Jesu Christi, quem adorabunt in crypta Rethlehemitica, quem sequentur per viam crucis ad Golgotha.

Pro dono votivo in sacello Nativitatis Bethlehem sacrificium Missae fundabitur, quod perpetuo offeretur divino Redemptori pro conservanda et augenda populorum Christianorum fide, praesertim pro omnibus qui ad hoc votum constituendum concurrerint atque pro eorum descendentibus necnon pro unione Ecclesiarum dissidentium.