Circulares litterae dioecesanae anno 1895. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XVII.
Venerabiles Fratres et Filii Dilectissimi! Iniuriosa in sanctam fidem Ecclesiamque nostram lex de infausto illo instituto, quod matrimonium vocant civile, lata, non obstantibus nostris, virorumque Catholicorum nobiscum causam Ecclesiae in Comitiis defendentium, conaminibus cunctis, die 18-a Decembris a. 1894., quemadmodum in nostris 5-a Januarii a. c. ad Yos datis litteris ingemuimus, publicis illata tabellis, proh dolor, die 1-a Octrobris a. c. a potestate civili executioni mandabitur. Nos quidem pro grandi, quod a Domino accepimus, officio responsionisque onere, firmo constantiquc animo pergemus una Vobiscum, cumque fidelibus nostris omnem, quam divina humanaque lex praebet permittitque, operam impendere, ut suus christiano coniugio restituatur honos, et Ecclesiae fideique nostrae sarta tectaque reddantur iura; nihilominus, stantes firmiter iis omnibus, quae in litteris 5-a Januarii a. c. ad Yos datis solemniter enuntiavimus, et Yos fidelesque Vestros hortati sumus, interea nostri muneris esse duximus, praesentibus in adiunctis, ne fideles nostrae crediti sollicitudini, sive aeternae suae salutis, sive huius vitae bonorum capiant ex illa lege detrimentum, Yos, qui in vigiliarum curarumque nostrarum vocati estis partem, Antistitum aliarum regionum vestigia sequentes, convenienti munire instructione, cum quoad legem istam, tum quoad alteram ei nexam, aeque mox exequendam, de matriculis civilibus. I. Observanda quoad matrimonium, quod vocant civile. 1. Imprimis et ante omnia strictissimi Vestri erit officii, fideles in sacris concionibus, catechesibus, omnique alia data occasione, in communi quoque vitae commercio, zelo fatigari nescio docere sanctam fidem catholicam de Sacramento matrimonii,
