Circulares litterae dioecesanae anno 1895. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XV.
123 Au liceat catholicis, baptismis protestantium et eorum concionibus interessé, nec non matrimoniis et baptismis graecorum, in quibus per se vel per aliquando etiam officio patrini funguntur. R. Catholicis regulariter non licere haereticorum aut schismaticorum concionibus, baptismis et matrimoniis interessé. Absolute autem non licere, nec per se nec per alios fungi officio patrini in baptismis, qui haereticorum filiis ab haereticis ministrantur. IV. S. C. S. Officii 28. Januarii 1817. — Saxoniae. De benedictione nuptiali a ministro acatholico petenda. An licitum sit catholico petere vel accipere benedictionem nuptialem a ministro acatholico, licet pars acatholica exigat. R. Negative. S. ROMANAE ET UNIVERSALIS INQUISITIONIS INSTRUCTIO SUPER ADSISTENTIA DISCIPULORUM CATHOLICORUM RELIGIOSIS SCHISMATICORUM FUNCTIONIBUS. Nr. 4306. Non semel ad hanc S. Sedem relatum est in nonnullis imperii russiaci provinciis infeliciter accidere, ut publicorum gymnasiorum scholarumque discipuli catholici aliquoties per annum templa acatholicorum adire, unacum discipulis acatholicis sacris eorum functionibus interessé, atque ritibus acatholicis participare, crucem a ministro acatholico porrectam osculari, genu flectere, panes benedictos accipere aliasque ceremonias peragere adigantur. Ex qua re non solum ipsi adolescentes eorumque parentes in grave salutis periculum conficiuntur, sed etiam capellani scholarum, praeceptores religionis, confessariique puerorum magnas in angustias atque discrimina incidunt. Quamobrem iterum iterumque a Sede Apostolica postulatum est, ut conscientiis fidelium subvenire atque circa rationem, qua sive scholares praedicti eorumque parentes sive confessarii atque magistri in difficillimis illis adiunctis se gerere debeant, opportunas regulas constituere ac praescribere velit. Cui postulationi debitoque custodiendae fidei satisfacere cupiens, S. C. Supr. et Univ. Inquisitionis auctoritate Apostolica decrevit quae sequuntur. 1. Discipulorum praesentiam in expositis circumstantiis pro civili tantum ceremonia haberi non posse, sed continere vetitam omnio communicationem in sacris acatholicorum, atque ideo prorsus illicitam esse. 2. Magistros religionis in praedictis scholis teneri, si a discipulis eorumve parentibus interrogentur, eos monere, communicationem de qua agitur, tolerari non posse divinisque atque ecclesiasticis legibus contrariram esse. 3. Quod si interrogati semel discipulos monuerint vel praedictae communicationi licet frustra obstiterint, non teneri protestationes seu monitiones iterare, nisi fundata adsit spes, iterationem utilem et efficacem fore, a qua etiam tum abstinere possunt, cum ex protestatione seu monitione iterata graviora mala timentur.
