Circulares litterae dioecesanae anno 1893. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae

XIV.

*

133

XIV.

DECRETUM

S. CONGREGATIONIS DE PROPAGANDA FIDE PRO NEGOTIIS RITUS

ORIENTALIS.

In variis catholici orbis regionibus, in quibus diversorum rituum fideles permixti inveniuntur, deplarandum sane est saepe saepius nonnullos proprii ritus Ecclesia et sacerdote destitutos manere. Ex quo fit ut quidam ex illis propriae devotioni satisfacere, nec non cliristianae vitae fervorem per Sacramentorum frequentiam conservare et augere desiderantes, ex difficultate S. Communionem sumendi in proprio ritu, a S. Sede privilegium communicandi in ritu alieno etiam extra casus a iure permissos continuo expostulent; alii vero quam plurimi propter eamdem rationem inducantur potius ad diuturnam Sacramentorum incuriam cum maximo eorum vitae spiritualis detrimento.

Hisce recursibus ac malis effectibus permota haec S. Congregatio de Propaganda Fide pro negotiis ritus Orientalis per opportunum aliquod ac salutare remedium iisdem occurrere voluit. Hinc, de consilio Emorum Patrum praedictae S. Congregationis, SS. D. N. Leo PP. XIII., referente R. P. D. Augustino Archiep. Laris- sensi S. Congregationis de Prop. Fide Secretario in Audientia diei 2. Iulii anni 1893. sequens decretum edi et expediri mandavit: nimirum

Quo utilius frequentia promoveatur SS. Sacramentorum, quae efficacissima sunt media a Christo Domino instituta ad procurandam salutem animarum, et quo opportunius duplex illud praedictum inconveniens de medio tollatur, omnibus fidelibus cuiuscumque ritus, sive latini, sive orientalis, degentibus in locis, in quibus non sit ecclesia aut sacerdos proprii ritus, facultas in posterum a S. Sede conceditur SS. Communionem, non modo in articulo mortis et pro paschali praecepto adimplendo, sed etiam quovis tempore devotionis gratia, iuxta ritum Eccclesiae existentis in praedictis locis, dummodo catholica sit, recipiendi.

Rmis ordinariis committitur officium ut praesentis decreti notitiam ad suum quisque populum pervenire faciat.

Datum Romae ex aedibus eiusdem S. Congnis die 18. Augusti 1893.

Nr. 4838.

Communio in ritu alieno permissa.

Strigonii, die 4-a Septembris 1893.

Pro EMO CARD. Prae/. f E. Augustinus Archiep. Larissen. Aloisius Veccia Secretarius.