Circulares litterae dioecesanae anno 1892. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae
XIII.
Sua Sanctitas testantibus sequentibus duobus decretis benigne indulgere dignata est, ut duo recenter concessa officia de festo Apparitionis Beatae Mariae Virginis Immaculatae atque de Beata Jolanta in Arclii-Dioecesi Srigoniensi recitari Missaeque celebrari possint. Quodipsum V. Clero Arcbi-Dioecesano cum eo significo, quod officia atque Missas suo tempore percipient. Nr. 3165. E S. Rituum Congregatione. STRIGONIEN. Emus Dnus Claudius Vaszary Arcbiepiscopus Strigonien. et Primas Hungáriáé cupiens ut cultus Deiparae Virginis inter Fideles sibi commissae Archidioece- seos magis augeatur, Sanctissimum Dominum Nostrum Leonem Papam XIII. supplex rogavit ut iu Kalendario ac Proprio ad usum Cleri eiusdem Arcbidioeceseos die decima octava Februarii modo libera sub ritu Duplicis maioris festum Apparitionis Beatae Mariae Virginis Immaculatae inscribi valeat, cum officio ac Missa recenter pro Dioecesi Tarbiensi approbatis. Sacra porro Rituum Congregatio, utendo facultatibus sibi specialiter ab eodem Sanctissimo Domino Nostro tributis, benigne annuit pro gratia iuxta preces: servatis rubricis Contrariis non obstantibus quibuscunque. Die 27. Maii 1892. f Caj. Card. Aloisi-Masella Praef. m. p. (L. S.) STRIGONIEN. Beatam Jolantam Viduam Poloniae Ducissam utpote e regali Hungarica stirpe, iampridem Cbristifideles Hungari magna veneratione prosequuntur. Hinc exoptans Rmus Dnus Claudius Vaszary Arcbiepiscopus Strigonien. atque Hungáriáé Primas ut eadem Beata in sibi commissa Arcbidioecesi ecclesiastico ritu gaudeat, a Sanctissimo Domino Nostro Leone Papa XIII. humillime expetivit ut in Kalendario ac Proprio ad usum Cleri Arcbidioeceseos Strigonien. diei decimae septimae Junii sub ritu Duplicis minoris festum Beatae Jolantae Viduae affigi valeat cum officio ac Missa Ordini Minorum concessis. Sanctitas porro Sua, ad relationem infrascripti Cardinalis Sacrae rituum Congregationi Praefecti, Rmi oratoris precibus benigne annuere dignata est: servatis Rubricis. Contrariis non obstantibus quibuscunque. Die 29. Maii 1892. f Caj. Card. Aloisi-Masella Praef. m. p. (L. S.) Budapestini 10. Junii 1892.
