Circulares litterae dioecesanae anno 1892. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae

IV.

18

täte, prudentia, scientia, in agendis experientia et dexteritate plene confisi, nil dubitavimus, quin in Eadem fidelissimum adjutorium habituri simus. Quapropter tenore praesentium V. Fraternitatem Vestram Vicarium Nostrum et Causarum Auditorem Generalem Strigoniensem (resp. Tirnaviensem) nominamus atque constituimus, sequentes una Eidem impertiendo facultates:

1. Sub delegamus omnes sine exceptione facultates a Sacra Poenitentiaria Ilomana ad quinquennium ddto 12. Februarii a. 1892 pro foro interno Nobis concessas.

2. Subdelegamus omnes pro foro externo a S. Sede Apostolica ad quinquennium ddto 20-ae Decembris 1891. acceptas facultates.

3. Tribuimus potestatem a quibusvis Nobis reservatis casibus et peccatis absolvendi, liancque facultatem cum aliis quoque approbatis Confessariis, nec non iis, qui eminenti scientia et pietate praestant, communicandi et subdelegandi. Item potestatem sive saeculares sive regulares Presbyteros, praemisso semper eorum examine, ad audiendas Christi fidelium confessiones approbandi, et approbatis exercitium jurisdictionis in Sacro poenitentiae tribunali impertiendi et impertitam jurisdictionem e causa sufficienti revocandi. Volumus autem, ut Neopresbyteri in examine iurisdi- ctionali approbati, pro uno dumtaxat anno jurisdictionem accipiant, quo elapso idem examen repetere obligentur.

4. Impertimur facultatem constituendi atque nominandi Confessarios ordinarios, atque extraordinarios Monialium atque Sororum diversarum Congregationum in Archi-Dioecesi existentium.

5. Impertimur potestatem dispensandi in bannis, matrimoniis praemittendis, nec non in impedimentis impedientibus, in quibus Episcopi jure proprio dispensant. Porro potestatem facimus omnia negotia matrimonialia pertractandi etiam illa, quae respiciunt gradus consanguinitatis et affinitatis propinquiores atque impedimenta sub puncto 2-0 non comprehensa.

6. Parochos in synodali examine approbatos atque a Nobis acceptatos, canonice instituendi. Rectoribus parochiarum infirmis, vel alia de causa insufficientibus, ad breve tempus, coadjutores, sive subsidiarios deputandi. Administratores interimales parochiarum constituendi atque nominandi. Parochis de Cooperatoribus Nos providebimus, nisi a Sede Nostra absentes simus, ac idmodi provisio moram non patiatur, quem in casum potestatem Cooperatores transferendi Fraternitati Vestrae aeque conferimus.

7. Jurisdictionem in regulares utriusque sexus ad exigentiam decretorum SS. Concilii Tridentini voluntatem puellarum ad habitum religiosum vel ad professionem admitti petentium explorandi; — licentiam pro ingressu ad clausuram Monialium, artificibus, officialibus, medicis etc. pro rebus tantum necessariis concedendi.

8. Litteras formatas, commendatitias et testimoniales concedendi.

9. Pias fundationes acceptandi, approbandi atque coordinandi.

10. Ecclesias, altaria, oratoria publica, cruces, statuas etc. benedicendi et facultatem hanc aliis quoque subdelegandi.

11. Assignationes faciendi e fiscis sacris exceptis iis, qui proprietatem Ecclesiarum juri patronatus Nostri obnoxiarum constituunt. (Strigoniensi insuper:) Item assignationes e Cassa assecurationis Dioecesanae pro combustis aedificiis faciendi.