Circulares litterae dioecesanae anno 1892. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae
Claudius Franciscus Vaszary
12 sum doloris adhibeat, et in oleo mollitiem pietatis, quatenus per vinum mundentur putrida, et per oleum foveantur sananda. Miscenda ergo est lenitas cum severitate et faciendum quoddam ex utroque temperamentum.“1 V. Sacerdos „ex hominibus assumptus pro hominibus constituitur in iis, quae sunt ad Deum, ut offerat dona et sacrificia pro peccatis.“ — En culmen muneris sacerdotalis! Mediatores constituti sumus inter Deum et homines, ipsum- que Verbum incarnatum sacrificium pro peccatis aeterno Patri immolamus. — Oh tremenda sublimitas status sacerdotalis ! Jam munus doctoris atque medici necessario vitam immaculatam ex parte sacerdotis requirit; nam summa dicere et ima facere nonne idem est, ac Deum hominesque lacessere? — Quod de festuca deque trabe Dominus dixerat, insculptum esse deberet cordibus omnium sacerdotum. Terribilia revera sunt verba sancti Pauli de iis docto- ribus, quorum vita a sua doctrina discrepat. ,,Tu gloriaris in Deo et nosti voluntatem eius, et probas utiliora, instructus per legem; confidis teipsum esse ducem coecorum, lumen eorum, qui in tenebris sunt, eruditorem insipientium, magistrum infantium, habentem formam scientiae et veritatis in lege. Qui ergo alium doces, teipsum non doces? qui praedicas non furandum, furaris? qui dicis non moechandum, moecharis? qui abominaris idola, sacrilegium facis? qui in lege gloriaris, per praevaricationem legis Deum inhonoras?“* „Sacerdos necessitate loci compellitur summa docere“ — ait beatus Gregorius Magnus — „et ideo eadem necessi1 Ex libro Regulae Pastor. S. Gregorii, part. II. cap. 6. — Rom. II. 17—23.
