Circulares litterae dioecesanae anno 1889. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

VII.

62

Miről van szerencsém Eminencziádat tudomás és további szives intézkedés végett értesíteni.

Fogadja Eminencziád kiváló tiszteletem őszinte nyilvánítását. — Budapest, 1889. évi február bő 25-én. Gf. CSÁKY.

Strigonii, die 28-a Martii, 1889.

Nr. 1930.

Obitus Caroli Heiller el. Eppi et Lect Can. Poson.

Nr. 1931.

Concursus pro parochiis Békásmegyer et Karbach.

Nr. 1932.

Neoordinatus

presbyter.

Nr. 1933.

Blasphemia in Deum per judicem laicum punita.

Carolus Heiller el. Episcopus Biduanensis, Abbas, Lector-Canonicus et Parochus ad S. Martinum Posoniensis, post longiorem morbum, ex quo acutissimos persensit dolores, Christiana patientia toleratos, susceptis moribundorum Sacramentis, ad exitum jam properante die 24. curr. animam suam Creatori reddidit aetatis 79. et sacerdotii 56. anno. Praeter novem menses, quibus munus cooperatoris in Misérd gessit, sacerdotalem reliquam vitam totam Posonii in loco natali, exegit. Coneiona- tor ad SS. Salvatorem, paucos post annos ad S. Martinum constitutus, praedicationi verbi divini assidue incubuit, ac illud recte tractando, multos auditores circa se collegit. Anno 1849. Canonicus Parochusque factus Capitulo, sed imprimis pastorali exercendo muneri totum se sacravit. Anno 1865. grande suscepit onus collegiatam simulque parochialem Ecclesiam S. Martino Ep. dedicatam sic restaurandi, ut illa antiquo suo stilo, gothico dicto, restitueretur. Hoc opus, hic labor fuit tanti molem operis dirigere, et unde aes, nervus rerum, redundabat, benevola oblata undique colligere. Restaurationem ad apicem produxisse gloriari, laetarique potuit. De scholis etiam, aliisque piis in urbe illa florentibus institutis, optime meruit. Quid mirum, quod ipsius merita Augustissimus quoque Imperator et Rex Apostolicus titulo Episcopi et insignis Ordinis Coronae Ferreae II. Classis cruce praemiare dignatus fuerit. Animam defuncti solitis fratrum ad aram suffragiis commendo.

Fidelium Deus omnium Conditor ac Redemptor defuncto suo famulo tribuat gratiam praemii pro gratia sacramenti.

Strigonii, die 27-a Martii, 1889.

Josepho Reich, administratore parochiae Békásmegyerensis pensione donato et Rudolpho Koczurek parocho Rarbachensi ad Pozsony-Szent-István translato, concursus pro vacantibus sic beneficiis parochialibus Békásmegyerensi et Rarbachensi usque 25-am Aprilis duraturus publicatur.

Strigonii, die 25-a Martii 1889.

Die 22-a curr. per manus Illmi ac Rssimi D. Pauli Palásthy Episcopi mei Suffraganei ordine s. presbyteratus initiatus est Colomannus Haiczl.

Strigonii, die 26-a Martii, 1889.

Blasphemiam seu locutionem contumeliosam in Deum, per judicem etiam laicum puniri, patet e casu sequenti, in Nr. 11. an. 1889. ephemeridis „Magyar KözigazgatásL relato :