Circulares litterae dioecesanae anno 1883 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

III.

12

Nr. 988.

S. R. Congr. decretum, continens interpretationem moniti de Litaniis.

Sub 14. Novembris 1880. Nr. 5425. publicatum est monitum de Litaniis S. Rituum Congregationis, super cuius moniti sensu sequens emanavit eiusdem Congregationis decretum:

Argentinén.

Rme Domine uti Frater. — Exponens Amplitudo Tua in pl erisque Germaniae dioecesibus decisiones Apostolicae Sedis circa approbationes Litaniarum ab Ordinariis, speciatim Monitum Sacrae huius Rituum Congregationis sub die 16. Junii 1880 latum, variis diversisque interpretationibus explicari, ab eadem S. C. nonnullis propositis quaestionibus, seu dubiis, authenticam hac super re declarationem expetivit. S. porro haec Congregatio propositis ab Amplitudine Tua quaestionibus accurate expensis, in sequenti unico responso iis satisfactum duxit, videlicet : Monitum, de quo agitur, respicere Litanias in Liturgicis et publicis functionibus recitandas, posse vero, imo teneri Ordinarios alias seu novas Litanias examinare, et quatenus expedire putent, adprobare, at nonnisi pro privata et extraliturgica recitatione.

Quam Sacrae ipsius Congregationis declarationem dum Amplitudini Tuae pro mei muneris perfunctione communico, eidem diuturnam ex animo felicitatem adprecor.

Reverendissimo Domino uti Fratri Episcopo Argentinensi. Die 29. Octobr. 1882.

D. Card. Bartolinius, S. R. C. Praefectus. — Laurentius Salvati, S. R. C. Secret.

Strigonii, die 10-a Februarii, 1883.

Nr. 989.

S. Inquisitionis instructio ad probandum obitum alicuius conjugis.

Sic, prout subnectitur sonat :

Matrimonii vinculo duos tantummodo, Christo ita docente, copulari et conjungi posse: alterutro vero conjuge vita functo, secundas imo et ulteriores nuptias licitas esse, dogmatica Ecclesiae catholicae doctrina est.

Verum ad secundas et ulteriores nuptias quod attinet, cum de re agatur, quae difficultatibus ac fraudibus haud raro est obnoxia, hinc s. Sedes sedulo curavit modo Constitutionibus generalibus, saepius autem resjionsis in casibus particularibus datis, ut libertas, novas nuptias ineundi ita cuique salva esset, ut praedicta matrimonii unitas in discrimen non adduceretur.

Inde Constituta s. Canonum, quibus, ut quis possit licite ad alia vota transire, exigitur, quod de morte conjugis certo constet, uti cap. Dominus, de secundis nuptiis, vel quod de ipsa morte recipiatur certum nuntium, uti in cp. In praesentia, de sponsalibus et matrimoniis. Inde etiam ea, quae explanatius traduntur in Instructione „Cum alias“ 21. Augusti 1670. a Clemente X sancita et in Bullario Romano inserta, super examine testium pro matrimoniis contrahendis in Curia Emi- nentissimi Vicarii Urbis et caeterorum Ordinariorum. Maxime vero, quae propius ad rem facientia ibi habentur n. 11. et 12.

Et haec quidem abunde sufficerent si in ejusmodi 'causis peragendis omnimoda et absoluta certitudo de alterius conjugis obitu haberi semper posset; sed cum id non sinant casuum propemodum infinitae vices (quod sapienter animadversum