Circulares litterae dioecesanae anno 1879. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
V.
34 existentibus, eorumque Vicariis, et Officialibus, vel ipsis deficientibus, illis, qui curam animarum exercent, ut cum praesentium Litterarum transumpta, aut exempla etiam impressa acceperint, illa per suas Ecclesias, ac Dioeceses, Provincias, Civitates, Oppida, terras, et loca publicent, vel publicari faciant, populisque etiam verbi Dei praedicatione, quoad fieri possit, rite praeparatis, Ecclesiam, seu Ecclesias visitandas, ut supra, designent. Non obstantibus Constitutionibus et Ordinationibus Apostolicis, praesertim quibus facultas absolvendi in certis tunc expressis casibus ita Romano Pontifici pro tempore existenti reservatur, ut nec etiam similes vel dissimiles Indulgentiarum, et facultatum hujusmodi concessiones, nisi de illis expressa mentio, aut specialis derogatio fiat, cuiquam suffragari possint; nec non regula de non concedendis Indulgentiis ad instar, ac quorumcumque Ordinum et Congregationum, sive Institutorum etiam juramento, confirmatione Apostolica, vel quavis firmitate alia roboratis statutis, et consuetudinibus, privilegiis quoque induitis, et Litteris Apostolicis eisdem Ordinibus, Congregationibus et Institutis, illorumque personis quomodolibet concessis, approbatis, et innovatis: quibus omnibus et singulis, etiamsi de illis eorumque totis tenoribus, specialis specifica, expressa et individua, non autem per clausulas generales idem importantes, mentio, seu alia quaevis expressio habenda, aut alia aliqua exquisita forma ad hoc servanda foret, illorum tenores praesentibus pro sufficienter expressis, ac formam in iis traditam pro servata habentes, hac vice specialiter nominatim et expresse ad effectum praemissorum derogamus, ceterisque contrariis quibuscumque. Ut autem praesentes Nostrae, quae ad singula loca deferri non possunt, ad omnium notitiam facilius deveniant, volumus ut praesentium transumptis, vel exemplis etiam impressis, manu alicujus Notarii publici subscriptis, et sigillo personae in dignitate ecclesiastica constitutae munitis, ubicumque locorum et gentium eadem prorsus fides habeatur, quae haberetur ipsis praesentibus, si forent exhibitae vel ostensae. Datum Romae apud S. Petrum sub annulo piscatoris die XV mensis Februarii anno MDCCCLXXIX, Pontificatus Nostri anno primo. L. CARD. NINA. Dum Apostolicas has Litteras pro incumbente mihi munere publico, simul dispono, ut DD. Curati earum tenores prima mox a perceptis his ordinibus Dominica die, creditis suae curae fidelibus promulgent et notos reddant proponendo, quod Sanctissimus Dominus Noster suorum in Apostolica Sede Praedecessorum vestigiis insistensi primo mox sui Pontificatus anno Jubilaeum indixerit, idest plenariam indulgentiam in forma seu cum omnibus concessionibus, remissionibus ac privilegiis Jubilaei concesserit omnibus in toto orbe fidelibus, qui praescriptis conditionibus responderint ad implorandum divinum auxilium, tam sibi, quam etiam nobis, universo nimirum fidelium gregi necessarium, et sibi quidem imprimis ideo, ut in hac luctuosa temporum calamitate, quando nempe Ecclesia gravissimis agitatur tempestatum fluctibus, Apostolicum humeris suis impositum munus, nunquam non grave, nunc autem profecto gravissimum rite adimplere valeat; nobis autem omnibus necessarium propterea, ut a malis, quibus premimur, imo vix non opprimimur, liberemur. Hunc namque esse indicti Jubilaei
