Circulares litterae dioecesanae anno 1877 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
VI.
43 VI. v> r. Ecclesia Catholica ritu ungendi utitur in quatuor Sacramentis, nec non in aliis quibusdam sacris functionibus. Nunquam autem scopo boc adhibuit aliud, quam oleum prius benedictum ac consecratum. Jam S. Cyprianus scripsit ’): „baptizati unguntur oleo, in Altari sanctificato." Idem testatur S. Basibus 2): „benedicimus, inquit, aquam baptismatis et oleum unctionis“ huncque ritum benedicendi oleum expresse abApostolorum traditione derivat. Idipsum docet S. Optatus Milevitanus3) scribens, oleum, illum scilicet liquorem, qui ex Christi nomine conditui1, postquam conditum sive consecratum fuisset, chrisma nominari. Etiam S. Cyrillus Hieros. loquitur 4) de oleo exorcizato — per invocationem Dei et orationem. Primis Ecclesiae saeculis olea in usum sacrum quovis anni tempore et qualibet die benedici potuerunt. Discimus haec e Concilii Toletani I. a. 400 celebrati canone 5) huius tenoris : „Episcopo sane certum est, quod omni tempore licet conficere chrisma.“ Tardius mos invaluit, qui hodie vim legis habet 6), olea non alia die, quam feria V. in Coena Domini, nec aliter, quam intra Missarum solemnia consecrandi. Cuius rei varii varias assignant causas. Antiquus Auctor tractatu de unctione Chrismatis7) sic eatenus loquitur: „Hodie in Ecclesia cum ceteris unctionibus ad populum acquisitionis sanctificandum, in participationem et dignitatem nominis sacrum chrisma conficitur, in quo mixtum oleo balsamum, regiae et sacerdotalis gloriae exprimit unitatem, quibus dignitatibus initiandis divinitus est unctio instituta .... Nec immerito huic diei assignata est tanti operis causa ; et ex hoc Sacramenta haec obtinuere initium, quo hodie in Sacramento calicis Christi Ecclesiae unitas, in lavacro pedum concors societas, et donans invicem caritas, et subjecta humilitas; in unctione Christiani nominis dignitas excellentiae spiritalis proprie data est, et confirmata filiis adoptionis perpes auctoritas et dignitas perseverans.“ Vetusto auctori consentit S. Thomas, qui pariter docet s), ideo diem Coenae Domini consecrationi sacrorum oleorum et chrismatis electum fuisse: „quia dies ille satis congruit ad materias Sacramentorum, quo fuit Eucharistiae Sacramentum institutum, ad quod omnia alia Sacramenta quodammodo ordinantur.“ S. Isidorus Hispalensis existimat 9) ideo in die Coenae Domini sanctum chrisma confici: „quia ante biduum Paschae Maria caput et pedes Domini unguento perfudisse perhibetur,“ quocurn eiusdem mentis sunt Alcuinus ,0) et Rabanus Maurus ”). Unde simul liquet, morem hunc octavo saeculo antiquiorem esse in Ecclesia. Nr. 1400. De sacris Olei in genere, et de Oleo Infirmorum in specie probe tenenda ac observanda. ') ad Januar, ep. 70. — ■) 1. de Spiritu S. c. 27. — a) adver. Pannen. 1. 7. — *) Catech. 20. — ') 22. — «) cf. de eelebr. Miss. c. XII. — ’) inter Opera S. Cyprian. — •) par, 3. quaest. 72. ait. 12. — ») de eccl. Off. I. 1. — ">) de divir. Offie. — •*) de instit. cleric.
