Circulares litterae dioecesanae anno 1872. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
V.
33 täte, vel perlegite. Sciant etiam diaconi et subdiaconi et clerici, si in minoribus sint, be- neficiati, ad dicendum horas canonicas se teneri. Nullus prius dicto vel audito Matutino et Primae officio missam audeat celebrare.“ *) Veszprémiense anni 1515: ,,Omni nocte indefesse ad Matutinum surgite, cursum vestrum horis competentibus decantate vel legite. Sciant etiam diaconi et subdiaconi , et clerici in minoribus, si sint beneficiati, ad dicendum horas canonicas se teneri.“3) Concilium anno 1611. Tirnaviae coactum negligentiam in Officio divino peccatum mortale esse enunciat.J) In synodo Agriensi anno 1635. episcopus ad clerum dixit: „Sub amissione salutis animarum vestrarum obstricti et obligati estis, ut pensum horarum canonicarum singulis diebus exacte persolvatis.“4) Complexus est haec, quae concilia singilatim proposuerunt de consuetudine, quoad clericos vim legis habente, doctor angelicus, Thomas Aquinas, cuius „Summa“ in scholis docebatur, in conciliis a patribus ceu plurimae auctoritatis consiliarius, penes librum evangeliorum posita servabatur. Doctor hic in „Opusculo de officio sacerdotis“, haec docet: „Divina quidem Officia in septem horas distinguuntur. — Has septem horas debet sacerdos quolibet die Domino reddere horis competentibus. Ad has tenetur sacerdos et alii clerici constituti in sacris ordinibus, sive habeant beneficium, sive non? et omnes illi, qui percipiunt ecclesiastica stipendia, in quocumque ordine sint. Sunt autem ecclesiastici reditus deputati, ut ex eis sustententur, qui in Ecclesia reddant Domino divina officia.“ Idem 1. 4. Sent. dist. 15. docet: „Ad aliquas orationes ex praecepto tenentur illi, qui ex officio sunt medii Deum inter et populum constituti, sicut ministri Ecclesiae; ’ unde ex officio eis incumbit preces ad Deum in persona totius Ecclesiae fundere, et ideo tenentur ad horas canonicas dicendas.“ Quodlibetorum VI. qu. 5. a. 2. haec habet: „Clericus ex hoc ipso, quod clericus et praecipue in sacris ordinibus constitutus sit, tenetur dicere horas canonicas.“ „Nemo ignorat, docet Benedictus XIV., divinum Officium a clericis saecularibus, qui sacris ordinibus initiati sunt, singulis diebus esse recitandum; idemque indici clericis beneficio praeditis, quamvis ad sacros ordines necdum ascenderint;“ haec in instructione n. 107. super dubiis ad ritus Cophtorum. Audiamus postremo S. Pium V. pontificem summum, qui omnium canonum sensum de vi legis, de poena, de gravitate peccati, quoad sacerdotes, aut quoscumque, qui beneficia ecclesiastica possident, in constitutione, proprio motu edita, dubia quaeque soluturus, virtute muneris sui apostoliéi, tamquam authenticus legis interpres, his explicat: „Ex proximo Lateranensi concilio (V-o an. 1514.) pia et salubris sanctio emanavit, ut quicumque habens beneficium ecclesiasticum cum cura vel sine cura, si post sex menses, quam illud obtinuerit, divinum Officium, legitimo cessante impedimento, non dixerit, beneficiorum suorum fructus pro rata omissionis Officii et temporis suos non faciat, sed eos tamquam injuste perceptos in fabricas ipsorum beneficiorum vel pauperum eleemosynas 1 1) Batthyány, T. 3. p. 476. — 2) Péterffy, T. 1. p. 230. — 3) Péterffy, T. 2. 205. — 4) Péterffy, T. 2. 338.
