Circulares litterae dioecesanae anno 1869. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. XXIV.
121 XXIV. Ex encyclicis Nostris ddto 21-ae Julii a. p. Nr. 3272. dimissis, intellexistis Vener. Fratres et Filii in Christo dilectissimi, universi catholici orbis episcopos Romam ad habendum in Basilica Vaticana S. Petri generale Concilium ad diem octavam Decembris labentis anni, quae honoribus sine labe conceptae Deiparae Virginis sacra est, convocatos fuisse a Successore illius Apostoli, quem, quia ipse speciali divinae gratiae inspiratione Christum naturalem Dei filium agnovit et confessus est, Simonis nomine in Petri nomen mutato Dei Filius ceu Petram et fundamentum suae Ecclesiae instituit, a portis inferi nunquam expugnandae, et cui Claves regni coelorum cum omnis potestatis plenitudine soli commisit1); a Successore illius Apostoli, quem omnibus congregatis Christus solum compellavit, tamquam omnium contra diabolicas tentationes fulcrum; pro quo, ne unquam a fide deficeret, solo Deum Patrem rogavit, soli curam imponens fratres suos in fide confirmandi;2) a Successore illius Apostoli, qui propter fidei suae firmitatem, et charitatis praecellentiam meruit, ut totum Christi ovile pascendum sibi soli committeretur, cujus vocem non oves tantum omnes et singulae, sed et ipsi pastores ovium reverenter audire, eique obedientiam praestare tenentur3); a Successore illius Apostoli, quem omnes ss. Scriptores ab Apostolis aliis, utpote primum ac principem, sollicite distinguunt, et constanter primo loco memorant, et in quo antiqui Patres et Concilia non minus generalia, quam particularia unanimi consensu totius Ecclesiae fundamentum, regni Coelestis Clavigerum, Apostolorum Caput, universalem Christi fidelium Pastorem, controversiarum supremum Judicem, unitatis in fide Centrum, quo perfidia non possit habere accessum, agnoscunt ac venerantur; a Successore denique illius Apostoli, qui ex Collegio Apostolorum unice electus est, ut Sedis suae singulari privilegio per continuam successionis seriem, ad finem usque mundi propagatam, in Ecclesia suis in successoribus semper vivat, semper regnet, et indefectibilitatis gratia divinitus obtenta universos fratres in fide semper confirmet. „Mysterium cum hodie operetur iniquitatis, ut judicentur omnes, qui non crediderunt veritati, sed consentiunt iniquitati“,4) Apostolorum Principis Successor, qui hodie Ecclesiae navim inter tantas in illam undique irruentes tempestatum procellas intrepida manu gubernat, in periculo bonorum humanitatis omnium Ecclesiam, quae est columna et firmamentum veritatis,“s) tacere non posse existimavit, „ut tutum salutis iter ac verae doctrinae lucem omnibus ostenderet populis, omnesque quorum curam suscepit, servaret illaesos“.6) In Concilium proinde generale omnes Sacrorum cogit antistites, ut communicatis, collatisque consiliis salutaria tot tantisque ecclesiasticam non minus ac civilem societatem non tam prementibus, quam potius opprimentibus calamitatibus adhibeantur remedia, nihilque e parte Ecclesiae seu omittatur, sen negligatur, ut miseri errantes in rectum veritatis, virtutis ac simul Nr. 4714. De Concilio Oecumenico et Archi Episcopi in illo praesentia. 1) Matth. 16. 16. sq. — 2) Luc. 22. 31. sq. — 3) Joan. 21. 15. sq. — 4) II. Thes. 2. 7. 11. — 5) 2. Tim. 3. 15. __ S . Maxim, serm. 89 —
