Circulares litterae dioecesanae anno 1868. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. I.
4 DD. Curati, in quorum parochiis socii Apostolatus Orationis coaluerint, eate- nus ad me referre non omittant. Strigonii, die 6-a Januarii, 1868. Statuta pro pia Societate Apostolatus Orationis. Art. 1-us. Apostolatus Orationis neque sodalitas neque confraternitas proprie dicta est, sed potius foederatio quaedam precum, ad quam ineundam non privati modo fideles, sed maxime piae fidelium Societates invitantur. Non magis igitur ac Associatio pro Fidei Propagatione, cui in auxilium venire conatur, conditionibus Confraternitatum institutioni praefixis subjicitur. Art. 2-us. Sola conditio Sociis Apostolatus Orationis imposita, ut privilegiis huic Associationi propriis frui possint, ea est, ut nempe intentiones omnes SSmi Cordis Jesu sibi proprias faciant, offerendo saltem semel in die suas orationes, actiones et dolores pro intentionibus, pro quibus ipse Christus Dnus continuo orat, seque in sacrificium offert; sed maxime pro Ecclesia universali, et pro Summo Pontifice Romano, uti pariter pro quibusdam aliis magis urgentibus necessitatibus a totius Societatis Moderatore singulis mensibus designatis. Art. 3-us. Cum Apostolatus Orationis Archiconfraternitati SSmi Cordis Jesu, Romae in Ecclesia dicta — della Pace — institutae, aggregatus fuerit diplomate diei 8. Aprilis anni 1861; omnes fideles, qui Apostolatui aggregantur, Indulgentiis, aliisque gratiis spiritualibus dictae Archiconfraternitati concessis, ipso facto frui poterunt. Art. 4-us. Religiosae Communitates, quibus in pia hac precum foederatione primus locus debetur, ad eam ineundam specialiter invitantur; ipsaeque eae in illa admitti poterunt, quarum regulae obstant, quominus ullum novum onus suscipiant, cum pro onere minime haberi possit suarum intentionum unio cum intentionibus SSmi Cordis Jesu. Aggregantur porro hujusmodi Communitates per inscriptionem nominum singulorum membrorum, quae adscribi petunt, in catalogo a Superiore cujuslibet Communitatis de licentia Moderatoris totius Societatis faciendo, et ad hunc in copia transmittendo, ut in catalogo generali referatur. Ipse Superior schedas aggregationis a Moderatore generali edendas singulis tradet. Art. 5-us. Eadem ratione aggregari poterunt piae sodalitates, Confraternitates, Hospitia, religiosi Convictus, imo integrae Paroeciae. Verum singula harum Societatum membra, quae Apostolatum ingredi cupient, in peculiari catalogo inscribentur, et schedulam aggregationis a Superiore, vel Parocho, vel ab alia persona per Moderatorem generalem, vel centralem Directorem designanda accipient; neque ideo ad Apostolatum pertinere desinent, quia ex Societatibus in quibus fuerant aggregati exibunt. Art. 6-us. Ipsi illi fideles, qui ad Communitates et Societates ut supra Apostolatui aggregatas non pertinent, in Apostolatum cooptari poterunt, si eorum nomina in catalogis, quae in singulis his Communitatibus et Societatibus servantur, inscribantur, et schedulam aggregationis accipiant. Uniuscuiusque porro erit diem aggregationis eligere, qua Indulgentiam Plenariam pro aggregatione concessam lucrari volet. Art. 7-us. Universae Associationis Moderator non solum schedas aggregationis ipse emittet, verum localibus Moderatoribus facultatem concedere poterit similes schedulas, determinato numero, suo nomine emittendi. Art. 8-us. In singulis regionibus, ubi Apostolatus Orationis jam propagatus est,
