Circulares litterae dioecesanae anno 1868. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. XXI.
101 Ad Concilium oecumenicum, in diem 8-am Decembris futuri anni 1869. indictum, orientales etiam Episcopos , communionem cum Ecclesia Catholica, et Romano Pontifice, visibili ejusdem Ecclesiae capite non habentes, a SSmo D mino nostro invi tatos et evocatos esse, e tenoribus subnexarum apostolicarum litterarum intelligitur. „Pius PP. IX. Arcano Divinae Providentiae consilio , licet sine ullis meritis Nostris, in hac sublimi Cathedra haeredes Beatissimi Apostolorum Principis constituti, qui juxta praerogativam sibi a Deo concessam firma et solidissima petra est, super quam Salvator Ecclesiam aedificavit, ‘) impositi Nobis oneris sollicitudine urgente, ad eos omnes in qualibet terraruni Orbis regione degentes, qui christiano nomine censentur, curas Nostras extendere omnesque ad paternae caritatis amplexus excitare vehementissime cupimus et conamur. Nec vero absque gravi animae Nostrae periculo partem ullam christiani populi negligere possumus, qui pretiosissimo Salvatoris Nostri sanguine redemptus, et sacris baptismi aquis in Dominicum gregem adlectus, omnem sibi vigilantiam Nostram jure deposcit. Itaque cum in omnium procurandam salutem, qui Christum Jesum agnoscunt et adorant, studia omnia cogitationesque Nostras indesinenter conferre debeamus, oculos Nostros « ac paternum animum ad istas convertimus Ecclesias, quae olim unitatis vinculo cum hac Apostolica Sede conglutinatae tanta sanctitatis coelestisque doctrinae laude florebant, ube- resque divinae gloriae et animarum salutis fructus edebant, nunc vero per nefarias illius artes ac machinationes, qui primum schisma excitavit in coelo, a communione Sanctae Romanae Ecclesiae, quae toto orbe diffusa est, sejunctae ac divisae cum summo Nostro moerore existunt. Hac sane de causa jam ab ipso Supremi Nostri Pontificatus exordio Vobis pacis caritatisque verba toto cordis affectu loquuti sumus.2) Etsi vero haec Nostra verba optatissimum minime obtinuerint exitum, tamen nunquam Nos deseruit spes fore, ut humiles aeque ac ferventes Nostras preces propitius exaudire dignetur clementissimus ac benignissimus salutis pacisque Auctor, qui operatus est in medio terrae salutem, quique oriens ex alto pacem sibi acceptam et ab omnibus acceptandam evidenter ostendens, eam in ortu suo Angelorum ministerio bonae voluntatis hominibus nunciavit, et inter homines conversatus verbo docuit, praedicavit exemplo.3) Jam vero cum nuper de Venerabilium Fratrum Nostrorum S. R. E. Cardinalium consilio OEcumenicam Synodum futuro anno Romae celebrandam, ac die octavo mensis Decembris Immaculatae Deiparae Virginis Mariae Conceptioni sacro incipiendam indixerimus et convocaverimus, vocem Nostram ad Vos rursus dirigimus, et majore, qua possumus, animi Nostri contentione Vos obsecramus, monemus et obtestamur, ut ad eam- dem generalem Synodum convenire velitis, quemadmodum Majores Vestri convenerunt ad Concilium Lugdunense II. a recol. mem. B. Gregorio X. Praedecessore Nostro habitum, et ad Florentinum Concilium a fel. record. Eugenio IV. item Decessore Nostro celebratum, ut * 6 1) S. Greg. Nyssen. Laudatio altera S. Steph. Protomart. ap. Galland. VI. 600. — 2) Epist. ad Orient. In suprema, die 6. januarii an. 1848. — 3) Epist. B. Greg. X. ad Michaelem Palaeologum Graec. Imper. die 24. octobris an. 1272. XXI. Nr. 4179. Orientales schismatici Episcopi ad generale Concilium aeque convocati.
