Circulares litterae dioecesanae a 16-a maji-31-am decembris 1867. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. I.
3 cam Benedictionem. Romani Pontificis, quem Pastor ille coelestis et Episcopus animarum potestatis plenitudine sibi tradita Ecclesiis praetulit universis, sollicitudo requirit, ut circa cujuslibet Ecclesiae statum sic vigilanter excogitet, sicque prospiciat diligenter, quod per ejus providentiam circumspectam interdum per simplicis provisionis officium, quandoque vero per ministerium translationis accommode, prout personarum, locorum et temporum qualitas exigit, et Ecclesiarum utilitas persuadet, Ecclesiis singulis pastor accedat idoneus, et rector providus deputetur, qui Populum ejus curae creditum salubriter dirigat et informet, ac bona Ecclesiae sibi commissae non solum gubernet utiliter, sed etiam multimodis efferat incrementis. Sane Metropolitana Ecclesia Strigoniensis, ad quam, dum illa pro tempore vacat, nominatio personae idoneae Romano Pontifici pro tempore existenti facienda, ad Carissimum in Christo filium Nostrum Franciscum Josephum, hoc nomine Primum Austriae Imperatorem, ac Bohemiae et Hungáriáé Regem Apostolicum, ex fundatione, vel dotatione, seu privilegio Apostolico, cui non est hactenus in aliquo derogatum, spectare et pertinere dignoscitur, et cui charae memoriae Joannes, dum in humanis ageret, Sanctae Romanae Ecclesiae Cardinalis Scitovszky nuncupatus, postremus illius antistes , dum viveret, praesidebat, per obitum dicti Joannis Cardinalis et Archiepiscopi, qui extra Romanam Curiam debitum naturae persolvit, pastoris solatio destituta, Nos vacatione hujusmodi fide dignis relationibus intellecta, ad provisionem hujus Metropolitanae Ecclesiae celerem et felicem , ne illa longae vacationis exponatur incommodis, paternis et sollicitis studiis intendentes, post deliberationem, quam de praeficiendo Metropolitanae Ecclesiae Strigoniensi personam utilem, ae etiam fructuosam cum Venerabilibus fratribus Nostris, Sanctae Romanae Ecclesiae Cardinalibus habuimus diligentem, demum ad te Episcopum Jaurinensem consideratis egregiis dotibus, quibus personam tuam illarum largitor Altissimus insignivit, et quod tu, qui consecrationis munere suscepto ad Sedem tibi creditam accessisti, inibi resedisti, eamque simul ac Dioecesim perlustrasti, Sacras Ordinationes exegisti, Pontificalia solemniter celebrasti, Confirmationis Sacramentum administrasti, caeteraque pastoralia munia laudabiliter obivisti, quique fidei Catholicae professionem juxta articulos jampridem a Sede Apostolica propositos expresse professus es, et quem praefatus Franciscus Josephus Imperator et Rex Nobis ad hoc per suas Litteras nominavit, eandem Metropolitanam Ecclesiam scies, voles, et poteris auctore Domino salubriter regere et feliciter gubernare, direximus oculos Nostrae mentis. Intendentes igitur tam eidem Metropolitanae Ecclesiae, quam ejus gregi Dominico salubriter providere, te a vinculo, quo Ecclesiae Jaurinensi teneris, de fratrum eorundem consilio et Apostolicae potestatis plenitudine absolventes, ad Metropolitanam Ecclesiam Strigoniensem, de simili consilio, Apostolica auctoritate transferimus, iliique in Archiepiscopum praeficimus, et pastorem, curam, regimen, et administrationem ipsius Metropolitanae Ecclesiae tibi in spiritualibus et temporalibus plenarie committendo, liberamque tibi ad dictam Metropolitanam Ecclesiam transeundi licentiam tribuendo, firma spe fiduciaque conceptis, quod dextera Domini tibi assistente propitia Metropolitana Ecclesia praefata per tuae circumspectionis industriam et studium fructuosum regetur utiliter, ac prospere dirigetur, ac grata in eisdem spiritualibus et temporalibus suscipiet incrementa. Quocirca Fraternitati tuae per Apostolica scripta mandamus, quatenus ad eamdem Metropolitanam Ecclesiam Strigoniensem cum gratia Nostrae benedictionis accedens, curam et administrationem hujusmodi sic exercere studeas sollicite, fideliter et prudenter, quod exinde sperati fructus obveniant, ac
