Circulares litterae dioecesanae a 16-a maji-31-am decembris 1867. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor

Nr. I.

4

tuae bonae famae odor ex tuis laudabilibus actibus latius diffundatur, ipsaque Ecclesia Metropolitana gubernatori provido, ac fructuoso administratori gaudeat se commissam, tuque praeter aeternae retributionis praemium, Nostram et dictae Sedis benedictionem et gratiam exinde uberius consequi merearis. Volumus autem, quod tu, antequam regimini et administrat,ioni dictae Metropolitanae Ecclesiae te in aliquo immisceas, in manibus cujuscunque Catholici Antistitis, gratiam et communionem Sedis Apostolicae habentis, fidelitatis debitae solitum juramentum, juxta formam, quam sub Bulla Nostra mittimus introclusam praestare, et sic a te praestiti juramenti formam Nobis de verbo ad verbum per tuas patentes litteras, tuo sigillo munitas, cum tui et Antistitis praefati subscriptione, per proprium Nuncinm quantocitius destinare procures, cui quidem Antistiti per alias Nostras Litteras committimus et mandamus, ut ipse a te Nostro et Romanae Ecclesiae nomine juramentum hujusmodi, juxta eamdem formam, recipiat. Volumus etiam, quod tam Ecclesiae Metropolitanae praedictae, quam unius e domibus Archiepiscopalibus reparationibus consuli cures, conscientiam tuam super hoc onerantes. Datum Romae apud Sanctum Petrum, Anno Incarnationis Domini Millesimo Octingentesimo Sexagesimo Septimo. — Octavo Kalendas Martii, Pontificatus Nostri Anno Vigesimoprimo, Loco f Plumbi.

B) Litterae Apostolicae super eadem provisione ad Clerum Civitatis et Dioece- sis Strigonien- sis.

1

1

1

Pius, Episcopus servus servorum Dei. Dilectis filiis Clero Civitatis et Dioecesis Strigoniensis Salutem et Apostolicam benedictionem. Hodie Venerabilem fratrem Nostrum Joann em Simor Archiepiscopum Strigoniensem, nuper Episcopum Jaurinen- sem a vinculo, quo Ecclesiae Jaurinensi tenebatur, de Venerabilium Fratrum Nostrorum Sanctae Romanae Ecclesiae Cardinalium consilio, et Apostolicae potestatis plenitudine absolventes, ad Metropolitanam Ecclesiam Strigoniensem, pastoris solatio destitutam, de simili consilioApostolica auctoritate transtulimus, illique in Archiepiscopum praefecimus et pastorem, curam, regimen et administrationem hujus Metropolitanae Ecclesiae ei in spiritualibus et temporalibus plenarie committendo, prout in Nostris inde confectis Litteris plenius continetur. Quocirca Discretioni Vestrae per Apostolica scripta mandamus, quatenus ipsum Joannem Archiepiscopum, tamquam Patrem et Pastorem animarum Vestrarum grato honore admittatis, atque ei obedientiam et reverentiam debitas et devotas exhibeatis, nec non ejus salubria monita et mandata humiliter suscipiatis, et efficaciter adimplere curetis, alioquin sententiam, quam idem Joannes Archiepiscopus rite tulerit in rebelles, ratam habebimus, et faciemus auctore Domino usque ad satisfactionem condignam inviolabiliter observari. Datum Romae apud Sanctum Petrum, Anno Incarnationis Dominicae Millesimo Octingentesimo Sexagesimo Septimo. Octavo Kalendas Martii. Pontificals Nostri Anno Vigesimoprimo. Loco f Plumbi.

C) Litterae Apostolicae super eadem electione populo Civitatis et Dioecesis Strigoniensis.

Pius, Episcopus servus servorum Dei. Dilectis filiis Populo Civitatis et Dioecesis Strigoniensis Salutem et Apostolicam benedictionem. Hodie Venerabilem Fratrem Nostrum Joannem Simor Archiepiscopum Strigoniensem nuper Episcopum Jaurinen- sem a vinculo, quo Ecclesiae Jaurinensi tenebatur, de Venerabilium etiam Fratrum Nostrorum Sanctae Romanae Ecclesiae Cardinalium consilio, et Apostolicae potestatis pleni-