Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas
1862
Nr. 554. Circa Congruae redintegrationen editi ordines. Nr. 434. Valentinus G r a- m antik obiit. Nr. 468. Martinus C s u n- d e r 1 i k obiit. Nr. 477. Aloysius S i d 1 ó obiit. Nr. 556, Georgius Opecs- k a obiit. Sequentem altiorem Ordinationem a Consilio reg. Loc. hung, sub 28. Decembris anni proxime elapsi Nr, 74501. emanatam, habeo Vobis pro observantia communicandam: „Tn sensu altissimae Resolutionis sub 27-a Aprilis 1824. Nr. 10265. per reg. L. hung. Consilium publicatae, systematica Parochorum Congrua e fundo Religionis redintegranda venit, quoties per id falcidiam patitur, quod aliquis colonicalis fundus e manibus catholicis ad acatholicas transeat et obveniens ab eo praestatio in quapiam fundatione non radicatur. (Conf, Circul. ddto 4-ae Julii 1860. Nr. 2779.) Ne interim fundus Religionis secus etiam ultramodum praegravatus, hoc titulo ea de causa abbrevietur, quod supplementaris quotta e fundo Religionis resoluta tunc quoque currat, dum colonicalis idmodi fundus successive rursum ad manus catholicas redit: reg. L. hung. Consilium necessarium adinvenit Districtualibus Coronis eam obligationem imponere, ut meritum isthoc ordinarie pertractent et occurrentes singulos casus, in quibus fundus colonicalis postliminio ad manus catholicas redivit, via concernentium Ordinariatuum Loco alti ori insinuent.“ Strigonii die 5-a Februarii 1862. Valentinum Gram antik, einer. Parochum B ottfal ven sem, Instituti S. Adalberti membrum et in annum decimum jubilarem Sacerdotem, die 24-a curr. mensis Vágujhelyini, anno aetatis suae 84-o pie et exemplariter, prout vixit, e marasmo senili in Domino obiisse Vobis annunciando, animamque ejus solitis piis suffragiis devovendo: praeligo simul trium mensium terminum pro recursibus per illos exhibendis, qui vacans taliter effectum in praelaudato Instituto stallum consequi cupiunt. Strigonii die 28-a Januarii 1862. Martinus Csunderlik, Districtus Miavaensis ordinarius VADiaconus et Turolukaensis Parochus, die 27-a curr. funeri venerandi senecionis Valentini Grani antik, sui olim condistrictualis, Vágujhelyini interveniens, in reditu e coemeterio repente ictu apoplectico prostratus, post mediae horae intervallum et susceptum extremae Unctionis Sacramentum a. aet. 54. in Domino obiit. Dum animam ejus piis omnium Vestrum precibus devoverem, una pro vacante, quod tenuit, pa- rochiali Beneficio concursum usque ultimam proxime affuturi mensis diem duraturum hisce exscribo. Strigonii die 30-a Januarii 1862. Aloysium Si dió, Instituti Deficientium presbyterum, ex hydrope die 30-a Januarii a. c. post suscepta Sacramenta, aetatis suae anno 55. Tirnaviae obiisse, fine absolvendorum suffragiorum annuncio. Strigonii die 31-a Januarii 1862. Quartum jam mortis casum, mox primo anni hujus mense interventum, Vobis annunciare necessitor. Die quippe 28-a proxime praeterlapsi mensis Georgius Opec ska V ADiaconus Districtus Bozókensis et Parochus Litavaensis, post suscepta praevie moribundorum Sacramenta, ad aeternitatem evocatus est. Cujus itaque animam piis Vestris suffragiis devovendo, una pro vacante sic reddito parochiali Beneficio Litavacnsi concursum usque 10-am affuturi Mensis Martii diem duraturum hisce indico. Strigonii die 5-a Februarii 1862. benevolus Strigonii typis Egydii Horák.
