Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas

1860

Nr. 3100.

S. R. E. TITULI S. CRUCIS IN HIERUSALEM PRESBYTER CARDINALIS

DEI ET APOSTOLICAE SEDIS GRATIA METROPOLITANAE ECCLESIAE STRIGONIENSIS ARCHI- EPISCOPUS, SANCTAE SEDIS APOSTOLICAE LEGATUS NATUS, INCLYTI REGNI HUNGÁRIÁÉ PRINL CEPS PRIMAS, SUMMUS ET SECRETARIES CANCELLARIUS, INSIGNIS ORDINIS S. STEPHANI REGIS APOSTOLICI PRAELATUS ET MAGNAE CRUCIS EQUES, INS. ITEM ORD. LEOPOLDI IMP. MAGNAE CRUCIS EQUES, S. C. ET R. APOSTOLICAE MAJESTATIS ACTUALIS INTIMUS CONSILIARIUS, SACERDOS JUBILARIS, AA. LL. ET PHIL. NEC NON SS. THEOL. DOCTOR, ETC. ETC.

Venerabili Clero Archi-Dioecesis Nostrae Salutem et Arclii-Episcopalem Nostram Benedictionem!

Proxime complebitur biennium, quod largiente Domino Concilium Provinciale iure Metropolitano in Sacra Basilica Strigoniensi a Domiuica XVII. usque XIX. post Pent, praesentibus omnibus, qui de iure et consvetudine Concilio Provinciali intervenire debent, cum Reverendissimis Antistitibus SufFraganeis, per Canones praescripto modo celebraverimus. — Desiderio desideravimus, omnemquc impendimus sollicitudinem, ut Concilii eiusdem Decreta, per Congregationem Concilii Romae recognita, et per Litteras Apostolicas Beatissimi Pii IX. Pontificis Maximi die 31-a Mensis Januarii anni proxime elapsi laudata, eodem adhuc anno Clero Nostro, in Synodum circa Nos coadunando publicaremus, observantiam eorum inculcaremus, ac necessarias et opportunas inviationes tribueremus.

Placuit interim Providentiae Divinae peccata populorum et nostra, exorto in ditionibus Monarchiae italicis peracerbo bello vindicare, et hoc modo intentionibus nostris impedimenta ponere. — Nos attamen, etsi continuative calamitosis hisce diebus sancta pace, quam mundus dare non potest, perfrui non liceat, imo Ecclesiam Catholicam et Summum Christi in terris Vicarium, a tenebrarum filiis incessanter impugnari tristes videamus, ad muneris Nostri partes explendas, et Sacro-Sancti Concilii Tridentini (Sess. 24. Cap. 2. de Ref.) Decreto exhibendum obsequium, praemissa matura deliberatione, in animo constituimus; ut Synodum e Honorabili Clero Dioecesa- no, Nobis Charissimo, collectam, Mense Septembri anni huius 1860. auxiliante Domino celebraremus; firma spe succensi, quod Pater coelestis, Largitor omnis consolationis, Qui dedit velle, dabit pro sua in Nos Misericordia etiam perficere.

Itaque Nostrorum gloriosae memoriae Praedecessorum vestigiis insistentes Synodum Dioecesanam in Basilica Strigoniensi, sub potenti protectione Beatissimae in Coelos Assumtae Virginis Mariae et S. Adalberti Ep. Martyris pro die 25-a Mensis Septembris, Beato Gerardo, Csanadiensium Episcopo in hac alma Dioecesi ad Budam Martyrio coronato, Sacra — indicimus, et praesentium per vigorem in Nomine Domini convocamus eum ob finem: ut Vobis, in unum collectis, Decreta Concilii Provincialis anno 1858. lata publicaremus, eorum conscientiosam observantiam paterne commendaremus, inculcaremus, et respectu practicarum obligationum opportuna disponeremus.

Idquidem solatii Nostri sensus quam maxime augeret, si omnes et singulos, penes oves pascuae Nostrae pondus diei et aestus egregie sustinentes, circa Nos videre, adsalutare et paterno pectori Nostro adstringere valeremus; ast quia idmodi omnium filiorum in consortio senescentis Patris conventum continuativa cura animarum per longe lateque diffusam Dioecesim haud pateretur, penes Apostolicam Beatissimi Patris sub die 11-a praeteriti mensis Junii anni curr. editam in Lege Concilii