Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas
1859
Nr. 3647. Moniales Congr, S. S. Salvatoris, collectam cum Altiori indultu instituunt. Nr. 3761. Libros decedentium Curatorum quoad stabiliti ordines dioec. republican tur. Nr. 3730. Pro statione Docentis in Rokov concursus indicitur. Nr. 3731. Zsasskovszky- ana Collectio Hymnorum publicatur. Nr. 3686. Sarlay Franciscus obiit. Ductu Rescripti Caes. Regii Locumtenentialis Sectionis Posoniensis dclto 15-ae curi*. 22152. Monialibus Congregationis Ssmi Salvatoris in Reindorf, loco urbi Viennensi vicino, curae infirmorum et educationi orphanarum puellarum vacantibus, ad effectum procurandae usibus suae Congregationis accomodae domus, sex mensium facultas symbolas charitativas per Monarchiam austriacam colligendi a parte Caes. Regii Ministerii Internorum cointelliganter cum Caes. Regio Ministerio Cultus concessa habetur; quod ipsum Vobis pro directivo notitiae statu hisce significo. Strigonii die 21-a Septembris 1859. Praevigens in hac Arehi-Dioecesi statutum dioecesanum de libris decedentium Curatorum in usum Successorum, respective parochiali Bibliothecae relinquendis, et nonnisi in casu deficientis residuae pro excontentandis bonae fidei Creditoribus substantiae ad fundum excontentationis eorumdem pertrahendis, — ex occasione editae a Caes. Regio Ministerio Justitiae sub 12-a Augusti anni curr. Nr. m35/3nu Resolutionis, id disponentis: ut ubi simile statutum dioecesanum viget, illius per Jurisdictiones quoque civiles in pertractatione ecclesiasticarum posthumarum massarum ratio habeatur, hisce republicandum censui. Strigonii die 28-a Septembris 1859. Concursum pro statione Docentis una Cantoris labii slavici in Rohov in 3-iam Novembris anni curr. hisce defigo. Proventus cum statione hac coni uncti consistunt in finis 16. xris 30. a Communitatibus, totidem item e Fundo Religionis percipi solitis; in 16. incirca metr. pos. siliginis et 10. metr. pos. tritici; porro a prolibus scholaribus percipit Docens titulo didactri flnos 10; e fundationibus flnos 14. titulo ligni focalis et vecturae flnos incirca 11; e reliquis titulis itidem 10. Tenet quoque cauletum Ya metr. pos. capax. Domus scholaris duobus cubilibus, camera, culina, stabulo constat, cui hortus postdomalis arboribus fructiferis consitus, 100. orgias quadratas amplus adiacet. Recursus debite instructi J. Dominio Berencs inscribantur, et Surrogato VADia- cono Szeniczensi Francisco Zaicz, Parocho in Jabloncza, ad praeindicatum terminum exhibeantur. Strigonii die 26-a Septembris 1859. FratresFranciscus et Andreas Zsasskovszky, ille Regens Chori, hic organista penes Metropolitanam Ecclesiam Agriensem ad instar supplementi ad opus suum „Manuale musico-liturgicum “ novissime typis ediderunt opellam, cui titulus „ Cantica Sacra“. Eius pars prima continet plures hymnos, varias intonationes, antiphonas et cerimonias solennibus duntaxat festivitatibus et rarioribus in casibus obvenientes. Pars altera comprehendit ritus funerum et exequiarum, additis linguis vernaculis numerosis cantionibus funebralibus, tam novas quam antiquas melodias a tribus et quatuor vocibus exaratas praeseferentibus. Opus hoc characteribus musicis provisum in duplici editione, latino-hungarica, et latino-slavica pretio 1. fl. 40. xr„ v. a. sive apud auctores, sive via Officii Dioecesani Agriensis obtineri potest. Perfero Vobis ad notitiam utile isthoc opus eo fine, ut qui „Manuale musico- liturgicum“ in Ecclesiis Vestris iam tenetis, et istud comparare contendatis, cum sit complementum prioris. Strigonii die 26-a Septembris 1859. Francisci Sarlay, emeriti Administratoris Nagy-Endrédensis, die 20-a curr. ex ictu apoplectico post suscepta praevie moribundorum Sacramenta anno aetatis suae 64. pie in Domino defuncti animam solitis piis suffragiis commendo. Strigonii die 23-ia Septembris 1859. benevolus Strigonii, typis E. Hor&k 1850.
