Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas
1859
nt Yos quoque per districtualem Exmissum benevole interveniatis, Vos confidenter interpello et nomen deputati usque finem mensis huius indicari expeto. Quivis ad solennia venturus rocheto, stola alb. coi. et bireto provisus sit. — Venite ergo Fratres, et Filii ter dilecti! — venite quaeso; ut in consortio Praepositi Vestri, ad finem vitae properantis, ante illum, qui mortificat, et vivificat pro bona voluntate sua, prostrati misericordias Domini decantetis — Hostiam laudis, ac gratitudinis offeratis et benedictionem a patre Vos multum diligente et pectori suo adstringente, amanter recipiatis. Domine Jesu! En prostratus in terram Sanctuarii tui ex toto corde suspiro: Pater meus es tu — Deus meus et susceptor salutis meae! Suscipe salutaris Hostiae Jubilaeum sacrificium, in memoriam, et gratiarum actionem beneficiorum semi saeculo mihi abundanter collatorum! — Et si constituisti dies Sacerdotii mei in senectam et senium producere, aspice in me, et miserere mei, — gressus meos dirige in semitam mandatorum tuorum, ne dominetur mihi omnis iniustitia! — Benedic Beatissimo Patri Pio Papae IX. in tribulatione magna posito, quem Ecclesiae Tuae gloriose praeesse voluisti! Benedic Augustissimo Caesari, et Apostolico Regi Francisco Joseph o, ut superatis pacis inimicis, in amore, et fiducia subditorum vivat felix quam diutissime! — Benedic Regno huic Mariano, ut in veritate et iustitia, in obsequio et conquiescentia tibi complaceat! — Denique benedic Clero, populo que quem dedisti mihi, ut sanctificentur in verbo veritatis, et crescant de virtute in virtutem, dumque venerit eorum hora, confutatis maledictis, vocentur cum benedictis! — Et tu Mater Christi super omnes benedicta semper Virgo, et sine labe concepta! Da peccata nos vitare Et quod iustum est amare! Da da Virgo finem bonum, Quod est super omne donum ! ! Arnen. Dabam Strigonii festo Nativ. B, M. V. anno 1859. Sacerdotii quinquagesimo, Eppatus trigesimo tertio, Archi-Eppatus vero decimo. benevolus Strigonii, typis E. Ilorák 1859.
