Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas
1859
7 tata et adprobata fundatio per Ordinariatum et quando? Libro huic mox ac nova aliqua fundatio fit, inferri ipseque liber occasione revisionis produci et autkenticari debet. De caetero dispositiones §§. 13* 15. 18. 19. 20. 24. etiam ad administrationem peculii piarum fundationum pertinent. Curandum in specie, ut in obligatorialibus privatorum non minus quam publicis, prout et libellis parsimonialibus, quantum ad pias fundationes adtinent, harum expressa designatio contineatur. Caput IV. Admistrationis peculii Ecclesiarum et piarum fundationum Superinspectio et Ratiocinium. §. 34. Superinspectionem administrationis peculii singularum Archi-Dioecesis Nostrae Ecclesiarum et piarum fundationum, quippe quae Nobis ceu Ordinario in sensu sacrorum Canonum competit, medio Districtualium VADiaconorum exercebimus; a quorum fide et zelo merito expectamus, quod non solum occasione annuae Districtuum curae suae creditorum Visitationis, occasione item Rationum censurae, sed alias etiam eo elaborare velint, ut certitudinem sibi procurent: num peculia Ecclesiarum, piarumque fundationum sui Districtus rite, secundum praescriptas normas administrentur? sicubi hiatus quospiam vigere observaverint, nihil non agent, ut hi efficaciter tollantur; scopo hoc primum quidem concernentes peculii administratores ipsi commonefacient, non sequuto autem effectu, rem pro medela ad nos perferent. §. 35. Patrono e fundatis rationibus postulante, ut in eius vel repraesentantis praesentia status aedium aut peculii Ecclesiae, suo Patronatui obnoxiae pervestigetur, non difficultabimus, ut idmodi postulato Patroni satisfiat. §. 36. Super administrati one peculii Ecclesiarum et piarum fundationum ex- eunte anno militari cum 1. Novembris initium sumente, documentatae rationes reddi debent. §. 37. Rationes has et quidem seorsi ve de statu activo passivoque Ecclesiae et de statu activo passivoque piarum fundationum, quoad has iterum distinctim de fundationibus categoriae Ecclesiasticae videlicet pro missis fundatis, pro crucibus, statuis, devotionibus etc. — et distinctim de fundationibus categoriae secularis uti: Xenodochiorum, Institutorum pauperum, etc. ductu perinde seorsivorum diariorum conficit iuxta formularia hactenus usitata Rector Ecclesiae, — in regula absque remu- neratione — ubi tamen titulo hoc quidpiam currebat, curret et in futurum. Idem in- telligendum de renumeratione illorum, qui penes aliquas Ecclesias, eo quod maior substantia administranda foret, pro subsidio adhibebantur, aut expost adhibebuntur. §. 38. Confectae taliter per respectivos Rationantes super peculiis Ecclesiarum et piarum fundationum Rationes subiicientur Revisioni; hanc quivis VADiaconus in suo Districtu velut Ordinarii repraesentans, decursu mensis Novembris, ad summum usque dimidium mensis Decembris peraget, revisasque totius sui Districtus Rationes usque finem mensis Decembris ad semel pro superrevisione Ordinariatui substernet. §. 39. Procedura per Vice-Archi-Diaconos in revisione Rationum sui Districtus observanda, in sequentibus consistet: Ante omnia de tempore praefiget VADiaconus pro praesuscipienda in singil- lativis sui Districtus Ecclesiis Rationum revisione, terminum, quem concernens Curatus Patrono aut huius repraesentanti notificabit. In praefixo termino aderit VADiaconus, et in praesentia respectivorum peculii sacri Administratorum, Patroni item aut huius repraesentantis, se revisioni accinget. Paratas videlicet et sibi praesentatas Rationes palam per extensum legi curabit, neque contentabitur simplici recalculatione percepti ac erogati, sed ipsa provocata documenta in origine revidebit, num legitima sint? Ex iis et combinatione respectivi Diarii ac Inventarii, Rationum item prioris anni cognoscet num omnia prout oportet, in perceptum sumta sint, an secus? Utrum erogationes non excedant activitatem concernentium Administratorum, numve sint documentis suis firmatae, et in quantum indultus Ordinarii requirebatur num talis praesto sit? Post haec pecunias, quae iuxta revisas et pro legitimis adinventas Rationes, supererunt, renumerabit et cistae Ecclesiae reinferri mandabit. Post censuratas Rationes pervestigabit Inventaria tam Ecclesiae quam piarum fundationum, numve omnia, quae ibi specificantur adsint, inquiret, quoad tenuta quidem ac supellectilem se per Administratores, directa eatenus ad eos speciali quaestione informari curabit, Obligatoriales e contra, Contractus arendales, Litteras fundationales
