Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas

1857

A/^y a ytr r

^ C

*> r (

Nr. 5109.

Venerabili Clero Arclii-Dioecesis Nostrae Strigoniensis Salutem in Domino et paternam Benedictionem!

Jus Ecclesiasticum commune et quoad Austriae Imperium particulare, omnibus ani- marum Curatoribus, praecipue, qui vastiora hujus generis opera comparare non valent, his temporibus summe necessarium, ab Illustrissimo ac Reverendissimo D. Episcopo Sabariensi mihi commendatum, opera Joannis Kopsz, ejusdem Secretarii, mox in lucem prodibit et erga praenumerationem >1 fl. 30 xris via Cancellariae meae procurari poterit. Strigonii die 7-a Decembris 1857.

Nr. 5375.

In sequelam factae a Loco altiori reflexionis: quod aliqui e Curatis „tabellares relationes de mutationibus motibusque in impopulatione“ pro mensibus Novembri et Decembri anni 1856. necdum praestiterint, committo concernentibus: ut restantes idmodi relationes quamprimum licuerit, conficiant et respectivis circularibus Magistratualibus via Officii Vice-Archi-Diaconalis consignent. Strigonii die 23-ia Decembris 1857.

Nr. 5409.

Nexu Rescripti c. reg. sectionis Locumtenentialis Posoniensis ddto 6. curr. Nro. 29425, erga factam abhinc Protocollorum de asservatis Ludirectorum congregationibus exhibitionem ad me directi, Vobis Fratres dilecti! ad notitiam perfero condignam illam recognitionem laudabilis zeli et industriae, quam complures Districtus circa salutare hoc pro Docentum formatione institutum, superatis omnibus, quae cum rerum initiis junctae esse solent, difficultatibus, decursu labentis anni, sedula sua cooperatione testati sunt, eamque cum dicta sectione Locumtenentiali et ipse spem foveo, quod nobili hoc exemplo animati reliqui etiam Districtus V. A. Diaconales institutum hoc in futurum omni meliori modo succollaturi sint. Quod ut eo certius obtineatur, ductu eorum, quae in nexu ministerialium in hoc objecto ddto 14. Januarii a. curr. Nr. 97. emanatorum ordinum sub 19. Aprilis a. ejusdem publicavi, sequentia Vobis in sensu supracitati Rescripti intimanda habeo, et quidem:

l-o In singulo Districtu conferentiae hae inomisse semel in anno et quidem a mense Majo usque Septembrem asserventur, nisi forte Docentes ipsi pluries easdem convocari desiderent. Quodsi Districtus amplioris extensionis esset, vel alia adjuncta congregationem Docentum totius Districtus quoquomodo impedirent, conferentiae partialiter quoque asservari poterunt. Docentes scholarum capitalium, parochialium item, quae e pluribus classibus constant, semel saltem in anno conferentias asservandas habebunt; congregatio autem e pluribus Districtibus coadunari nisi erga commissionem, vel indultum c. r. sectionis Locumtenentialis poterit.

2- 0 Scopo conforme erit, in singula congregatione materias in futuris conferen- tiis pertractandas praevie designare, eo ceteroquin intellecto, nequaquam de singulis, quae in praecitato ministeriali Rescripto comprehenduntur, objectis in singula congregatione disserendum, verum materias peculiaribus scholarum indigentiis et gradui culturae Docentum in unum congregatorum accommodatas pro discussione deligendas esse. Quaestiones pro consultatione scholarum Inspector V.A.Diaconus, pro re nata etiam Ordinarius et respective scholarum Inspector dioecesanus proponet.

3- 0 De singula congregatione Protocollum ducendum est, quod praeter praesentium cognomina, objecta pertractationis et resultatum ejusdem paucis complectatur. Protocollum hoc officio dioecesano exhibendum erit et abinde comitibus observationibus ejusdem ad c. r. sectionem Locumtenentialem promovebitur. Sed et de progressu atque efficacia harum congregationum annua relatio ad finem mensis Octobris a scholarum Inspectoribus Officio dioecesano praestari debet, cum c. r. sectione Locumtenentiali extemplo communicanda. Evidentiae causa consultum quoque erit, prioris congregationis acta resumere, sicque factarum nefors decisionum effectui intendere. Denique