Mezei Zsolt (szerk.): Istennek, hazának, tudománynak. Tanulmányok a 95 éves Nádasdy Lajos tiszteletére - A Pápai Művelődéstörténeti Társaság kiadványai 19. (Pápa, 2008)

KÖBLÖS József: Szapolyai István nádor Pápán írott végrendelete

propterea tale finale et ultimum condo testamentum perpetue et irrefragabiliter observaturum:

Imprimis: quandocunque me mori contingat, commendo animam meam omnipotenti Deo, eiusque intemerate genitrici virgini Marie et omnibus sanctis eius, corpusque meum relinquo in ecclesia sancti Martini in terra Scepus in capella ad honorem assumpcionis beate Marie virginis per me fundata sepeliendum.

Item lego, quod commissarii mei corpus meum cum ea decencia, qua conveniencius fuerit, ad laudem Divinam sepeliant et exequias meas perficiant, peragant et disponant, prout eorum prudencie et humanitati melius et honestius videbitur.

Item recordari dignetur Maiestas Regia, quod ego in omnibus rebus commodum et utilitatem Sue Maiestatis et huius regni concernentibus non parcendo persone mee proprie ac laboribus et expensis Maiestati Sue et huic regno semper fideliter servivi, et omne onus subivi propter Maiestatem Suam sperans et indubie semper tenens, quod Maiestas Sua graciosissima, prout sepius se facturam benigne offerre dignata est, post obitum meum consideratis meis serviciis filios meos non derelinquet, cuius respectu commendo ipsos filios et commissarios meos Sue Maiestati, et supplico Sue Maiestati tanquam domino meo graciosissimo et justissimo principi, de cuius summa equitate fama per orbem viget, ut si Deo volente me mori contingat, dignetur ipsos filios meos unacum predictis commissariis meis habere commendatos, eosdemque filios meos tueri et defendere, prout summam spem et fiduciam gero in Sua Maiestate. Spero enim, quod ipsi filii mei, si Deus vitam eorum prolongaverit, Maiestati Sue et heredibus suis, si quos, ut spero, Deus omnipotens Sue Maiestati concesserit, necnon et huic regno fidelissimi servitores erunt.

Item supplico Maiestati Sue veluti domino meo graciosissimo, quod quocienscunque familiares et commissarii mei, quibus plenariam informacionem dedi, qualiter in cunctis rebus procedere debeant, pro aliquibus rebus ad Maiestatem Suam accesserint, dignetur eosdem graciose exaudire, et juxta eorum supplicacionem in cunctis rebus et negociis tanquam graciosissimus et justissimus princeps illis subvenire et opitulamine fore. Nam summam spem teneo in Maiestate Sua, quod eciam post obitum meum recordabitur serviciorum meorum Maiestati Sue et huic regno per me constanter et cum maxima sanguinis mei effusione exhibitorum, nec deseret orphanos meos simulcum illis servitoribus et commissariis meis, quibus precipuam curam eorum commisi, presentibus-134-