Köblös József – Kránitz Zsolt (szerk.): A csurgói református gimnázium diákjai 1792–1867. - Csurgói Könyvtár XXV. (Pápa, 2018)
II. Héjas Pál: A CSURGÓI EVANG. REFORM. FŐGIMNÁZIUM RÖVID TÖRTÉNETE
— 50 — celebravit Germania, et quem salvum sospitemque ex Academiis reducem gratulabunda suscepit Hungária. Tibi ergo post Supremum Numen gratias habemus agendas immortales, quod nos viro hoc omni mea laude majore provideris. Ceterum cum tanta mihi Tuorum in nos meritorum tamque abundans copia succurreret, ut veneranda potius ea piaque mente recolenda, quam numerare satius censere debeam: manum de tabula — unum hoc liceat! Nos resque nostras Gymnasiumque hoc Tuum cum novello professore gratiis et praepotenti patrocinio Tuo commendare: — digredior. Ad Te Clarissime Domine ! — quem ex longinquis exterarum regionum oris tandem salvum ac incolumem ad nos pertigisse gaudemus, ac occasionem hanc Te amicis amplexibus excipiendi honori ducimus — Gratum est nobis Cl. V., quod diu et multum exspectatus tandem in complementum sollicitae quam in nobilibus promissis Tuis literatorie notificatis locabamus spei nostrae, hac hora, ad destinatam honorificam hanc sed una certe gravem provinciam coram inclyta hac confluentium corona voce Temet obstrinxisti. Gratum est quod allocutione Tua proxime ad nos habita, ad plenam et gratissimam usque convictionem Te scholae huic et toti Rei Litterariae Simighiensi non ita pridem e cortice suo evolutae, emolumento futurum, jam ab exordio honorifici Tui muneris, non infundata cum praefidentia augurari nos jubeas. Guam dulce quamque jucundum fuit omnibus, quorum de meliori luto finxit praecordia Titan, observare culturam morum ac Litterarum non in hac tantum patria nostra, sed et inprimis in hac quam incolimus provincia, obstetricantibus summis terrae principibus, tam felici, ab aliquot annis progressu adauctam, ut profectum in his nostrum, cum ultima expirantis hujus seculi aetate, motui corporum gravium ad commune centrum accelerato, juxta progressionem arithmeticam numerorum inparium crescenti assimilare potuerimus, spemque certam de eo conceperimus, ut Coelis faventibus e cineribus Kalmancsae alia eaque matre nitidior in oppido Csurgó evolvatur Phoenix ac quassatis evolet alis. Tam profecto triste est ac dolorosum oculis intueri
