Pest-Pilis-Solt vármegye országgyűlési követutasításai a 18. században - Pest Megyei Levéltári Füzetek 38. (Budapest, 2015)

II. Szöveggyűjtemény

3. Palatinus regni eligatur et in omni avita sua authoritate confirmetur. Et quoties palatinatum vacare contigerit, mox intra annum pro eligendo novo palatino ad exigentiam articuli 3. 1608 ante coronationem editi publicetur diaeta ac in reliquo etiam articulus idem confirmetur.

4. Sigillum duplex primati Regni Hungáriáé, qua summo cancellario competens restituatur, priorque eiusdem authoritas restabiliatur.

5. Authoritas Excelsae Camerae Aulicae praesidi quoad collationem 32 sessionum colonicalium delata velut tam palatino, quam excelsae Cancellariae Aulico-Hungaricae, quin et publicis legibus praejudiciosa et contraria tollatur.

6. In locum vero hujus Excelsa Cancellaria authori(h)etur cum renovatione articuli 17/1715 instruaturque eadem, ut novae donationes et consensus regii /:edocto coram eadem praevie solo supplicantium antiquiori possessorio:/ circa ullam difficultatem expediantur ad mentem articuli 9/1608 ante coronationem et 8/1618.

7. Neoacquistica Commissio tollatur et solus ordinarius juris processus ex defectu aut nota pro fisco regio salvus permaneat.

8. Praetendentibus regnicolis contra fiscum vel etiam privatus ad evocationem fisci agentibus /:qui hucusque ad vias instantiae cum gravi expensarum profusione, quin saepius jactura jurium suorum relegabantur:/ citra ullum ulterius impedimentum ordinaria via juris aperiatur.

9. Quamqum regnantes Majestates tam pro decore dignitatis, quam et benemeritorum consolatione semper deceat esse munificos: cum attamen beneficia regnicolarum ex collationibus regiis olim promanantia adeo jam cessavissent, ut regnicolis quantumvis benemeritis jam vix aliquid aut plane nihil conferri videatur, fundusque talis contra articulos 26. Andrae regis decreti 2.; 10. Uladislai decreti 5. et 31. 1599 potius in extraneos per gratuitas collationes passim convertitur, ex eo igitur ne per hoc calcar et stimulus benemeritorum patriae civium adimatur, sentiant regnicolae beneficium illud pro extraneis, per consequensque bona etiam fiscalia ad exigentiam articulorum 15. 1608; 31. 1630; 75. 1659 benemeritis hungaris non pro pecunia, verum gratis conferantur, intuitu quorum donationes quoque regias pro ulteriori familiarum conservatione ac una pro ratione meritorum sive pure sive mixte expediantur, hasque ad utrumque sexum obtinere valeant.

10. Dignitates et officia ecclesiastica nationalibus hungaris idoneis, benemeritis praesbiteris et non minorennibus vel laicis, non ecclesias, sed proventus duntaxat eorum curantibus conferantur. Id ipsumque per dominos etiam praelatos in collationibus canonicatum observetur, quia dum capitulis publica etiam fidedignitas competit, capitularibus vero tam privilegialis, quam juridica executio incumbit, quomodo has extraneae nationis capitulares exacte peragere poterunt, qui non modo legum, verum ipsiusmet etiam idiomatis sunt ignari, ita dictantibus articulorum 38. 1659.; 18. 1550.; 27. 1681 et 60. 1723.

11. Dignitates etiam et officia quaevis saecularia ad exigentiam articulorum 8. 1492.; 5. 1493. benemeritis pariter hungaris conferantur, neve etiam officia supremorum comitum contra tenorem articuli 33. 1638. minorennibus, verum idoneis personis conferantur. Huc intellectis officiis etiam cameralibus, salinariis, postalibus et tricesimalibus, in quorum secundo nec unus quidem hungarus, in aliis vero vix aliquis applicatus haberetur.

50