Pest-Pilis-Solt vármegye országgyűlési követutasításai a 18. században - Pest Megyei Levéltári Füzetek 38. (Budapest, 2015)
II. Szöveggyűjtemény
Gravamina ex parte Inclytorum Comitatuum Pest, Pilis, et Solt unitorum Primo Non absque quotidiana lamentatione et contra omnem aequitatem aggravio irrepsisse ingemiscit horum comitatuum plebs misera, quod ab anno 1709 ad hoc usque tempus militari74 complusione mediante annuatim pro singulo aestivali mense 90 orgias lignorum focalium et ultra pro tam valido quamizone Budensi erga assignationem potentiariam ejusdem districtus domini superioris commissarii bellici de pago ad pagum per eundem orgiatim subrepartiri consuetam gratis et citra omnem bonificationem, non curatis ex parte comitatus multifariis reclamationibus et protestationibus administrare cogatur, cum autem hujusmodi ligna focalia a felici recuperatione Budae usque ad annum 1709 per inclytum Cameram medio eorum Cameralis Administrationis Budensis suppeditabantur, et etiam gloriosissimae reminiscentiae Leopoldus imperator et rex adhuc in anno 1700 mediante benignissimo decreto suo ejusmodi gratuitos labores et coactivas praestationes ex intuitu onerosi quanti contributionalis clementissime subtulisset: sed et nisi excelsa Camera Aulica sylvas coronales Vissegradienses vendidisset, praesidium illud sufficientibus lignis in perpetuum provideri valuisset. Ideo supplicatur humillime tum ex eo, quod quia ejusmodi ligna focalia, uti praefertur, antea Cameralis Administratio suppeditasset, et fundum illum coronalem unde suppeditari solebat, Excelsa Camera vendidisset, tum quia uti praefertur piissimus olim imperator Leopoldus ejusmodi gratuitas exactiones benignissime sustulisset ac insuper etiam misera plebs eorundem comitatuum maxima in parte in mero sabulo degens pro propria quoque necessitate, nisi pecunia comparaverit, nulla penitus ligna haberet, dignaretur Sua Majestas Serenissima ejusmodi lignorum administrationem in pristinum statum redigi et per inclytum Cameram Hungaricam vel Inspectionem Cameralem Budensem suppeditari clementissime demandare, quo pacto misera plebs continuis oneribus exhausta tandem aliquando ab ejusmodi sumptuosis gratuitis et potentiariis exactionibus liberetur, onusque hocce parata pecunia ac multorum jumentorum suorum destructione et damnificatione subire amplius non necessitetur. Secundo75 Esto quidem per Dei gratiam victricibus Suae Majestatis Serenissimae armis tranquillitas publica huic etiam regno sit restituta, attamen hodie quoque per quotidianas particulares et privatas condescensiones gratuitasque vecturas misera plebs indetinenter affligeretur, dum non tantum militares personae ex universis confiniis et partibus regni ac etiam ex Transylvania condescendentes, ubique pro lubitu suo vecturas et alimentationem sui ac suorum gratis acciperent, taliterque et semet et consortes et familias suas ac omnia pro privato usu necessaria gratuito hincinde devehere, miseramque plebem verberare, quandoque vulnerare et varie affligere consuevissent, verum etiam ipsimet domini districtuales bellici commissarii circa assignationes ejusmodi vecturarum sub titulo servitii Caesaréi nimis liberales esse, ac per totum regnum de loco ad locum stationes et vecturarum permutationes 74 Széljegyzet: deliquit solitam, gratuitus laboribus 75 Széljegyzet: vectura 25
