1830 Irományok • Acta Comitiorum Regni Hungariae a serenissimo, ac potentissimo Imperatore, Hungariae, et Bohemiae Rege Francisco Primo in Liberam, ac Regiam, Civitatem Posoniensem in diem 8. Septembris Anni 1830. indictorum. / Posonii / Typis S. Ludovici Weber / 1830
Sessio 1
Hac occasione militia primum Salve dat. Recondito Gladio, llectit genua ad supremum Ara« gradum, ubi Fidem a Serenissimo Arcbi-Duce Domino Regni Palatino, et Domino Primate Corona Regni imponitur. Dominus Primas cum reliquis Archi-, et Episcopis servat Manus supra Coronam, et dat Benedictionem, \erbis in Pontificalibus praescriptis: „Accip e Corona m II e g n i. “ Postea consignat DominusPrimas ad dextram suae Majestatis Regiae Sceptrum Regale; ad sinistram vero, Pomum, his verbis „Accipe virgam virtutis“ Desumit deinde stans e latere Suae Majestatis Regiae, Gladium Scti. Stephani, juvantibus iis, quorum adjutorio prius Suam Majestatem accinxerat, et restituet eundem Pincernarum Regalium Magistro. H is Actis, datur secundum Salve, dueiturque Sua Majestas per Dominum Primatem a dextris, perque Archi-Episcopum Colocensem a Sinistris, quos omnes reliqui Episcopi sequuntur, sub praecedentia 10 Vexillorum, Heroidi, et Agazonum Magistri cum nudo Ense; comitantibus praeterea Curiae, Cubiculariorum Regalium Magistris, Capitaneo Nobilis Turmae Praetorianae, et Serenissimo Archi-Ducej Domino Regni Palatino, ad Thronum Suum, et ibi solenniter inthronisatur. Ad Signum a Domino Regni Palatino datum, et triplicem vocis: Vivat acclamationem, repetitur eadem a Populo, et Militare dat tertium S alve, solvuntur Tormenta, Campanae in et extra Civitatem pulsantur, Hymnus: Te Deum laudamus a Domino Primate intonatur, per Chorum inter clangorem Tubarum, et Tympanorum decantandus. Durante hoc stabit Dominus Primas apud Suam Majestatem Regiam, prout etiam omnes reliqui Episcopi. Finito Hymno „Te Deum“ recitat is cum Clero reliquas quoque penes Coronationem consvetas Orationes super Sua Majestate , quae Throno continuo insidet; dein progreditur Dominus Primas ad Faldistorium, quo eum reliqui Episcopi comitantur. Assistentes tamen Majestati Regiae Episcopi remanent extra gradus Throni a sinistro et dextro latere; Supremum ejus gradum a Parte dextra, Episcopo Crucem praeferente, a Sinistra vero Agazonum Regalium Magistro cum nudato Ense, tenentibus. Dein decantatur Evangelium, sub quo Sua Majestas Regia Sceptrum dextra, Sinistra vero manu Pomum prehendens, in Throno erecta stat. Sub Decantatione Evangelii Sua quoque Majestas Caesareo Regia Sceptrum , et Pomum manibus tenebit, adjutorio assistentium Episcoporum sibi porrigendum. Terminato Evangelio Suae Majestates Clenodia haec resignant Assistentibus Episcopis, qui eadem Pulvinaribus Portatorum, haec manibus tenentium imponunt; Diaconus vero Librum E* angel i i Assistentibus Episcopis consignabit, quorum alter eundem suis Majestatibus Caesareo - Regiis, alter vero Suae Majestati Regiae, ad osculandum praesentabit, et postea Suae Majestates eadem modalitate incensabuntur. __ * Hoc facto considebit Majestas Regia in Throno suo et Credo decantabitur. Quo terminato, sub Offertorio confert se Dominus Primas ad secundum gradum Magnae Arae, Sua vero Majestas Corona redimita deducitur per Assistentes Episcopos ad Altare magnum, ubi ad primum gradum per Ceremoniarium Regium pulvinar deponitur, supra quod Sua Majestas genua flectit, porrectam sibi per Dominum Primatem Patenam osculatur, inque praesentatam sibi per unum ex Episcopis Argenteam deauratam halam, Monetam 30 aureorum offert.
