1830 Irományok • Acta Comitiorum Regni Hungariae a serenissimo, ac potentissimo Imperatore, Hungariae, et Bohemiae Rege Francisco Primo in Liberam, ac Regiam, Civitatem Posoniensem in diem 8. Septembris Anni 1830. indictorum. / Posonii / Typis S. Ludovici Weber / 1830

Sessio 1

Acta Sessionis 1.

15

Dein surgit Sua Majestas, et facta versus Altare inclinatione, deducitur ab Assistentibus Episcopis ad Thronum suumubi paulopost a Domino Archiepiscopo Colocensi iucensatur, quo sub Actu Dominus Primas ad locum suum recedit.

Quamprimum cum cantato usque Canones perventum fuerit; appropingvat Ardii-Episcopus Colocensis Suae Majestati Regiae, accipit ex Capite Ejusdem Coronam Regni, et imponit Pulvinari, per Serenissimum Archi-Ducem Dominum Regni Palatinum tento-Suae autem Majestati Caesareo-Regiae eodem tempore Supremi Caesareo-Regiae Praefecti Vices-gerens; Suae vero Majestati Caesareo-Reginali Aulae ejusdem Supremus Praefectus Coronam desumniet, ac Corona quidem Suae Majestatis Caesareo-Regiae ad Pulvinar, Corona autem Suae Majestatis Caesareo-Reginalis ad locum penes Scabellum hoc fine praeparatum collocabitur.

Quinque autem Heroidi pileos suos deponent.

Sub Elevatione vertit Caesareo-Regius Supremus Aulae Mareschallus et Agazonum Regalium Magister cuspidem Gladii versus Terram; quod etiam 10 Vexilliferi cum Vexillis observandum habent, et Insignium quoque Portatores semet profunde inclinabunt. Quinque Heroidi bacillos suos peraeque demittunt.

Porrecta Suis Majestatibus, eodem sicut Evangelium modo, Pace ad osculandum, cantatoque jam jisque ad sumtionem perveniente; procedit sua Majestas inter Assistentes Episcopos denuo ad Altare magnum, ubi Cerimoniarius pulvinar pro genu flectendo praeparat.

Supra pulvinar hoc flectit Sua Majestas genua, et accipit Communionem a Domino celebratore.

Durante Communione invertit Supremus Caesareo-Regius Aulae’Mareschallus et Agazonum Regalium Magister nudum ensem, cuspidesque 10 vexillorum flectuntur versus terram, Insignium Portatores semet profunde inclinant; quinque autem Heroidi, nudato adhucdum capite bacillos suos demittunt.

Sumta Communione redit Sua Majestas sub eadem comitiva ad Thronum suum. Serenissimus vero Archidux Dominus Regni Palatinus imponit Eidem, adjutorio Domini Archi-Episcopi Colocensis, Regni Coronam, Suis autem Majestatibus Caesareo-Regiis eandem illi, qui paulo ante desumserant, /imponunt Heroidi quoque apponunt pileos suos.

Finito Sacro, Majestates Caesareae in priori comitiva sua loca Sacristiae repetunt, et Coronam, imperialemque ornatum deponunt, et postquam neocoronata Regia Majestas per Portam inferiorem majorem, versus Residentiam abolitae societatis ex Ecclesia fuerit, Eaedem per aliam versus Danubium portam, quasi privato modo, in Palatium Primatiale revertentur.

Nuncius Apostolicus comitatur Suas Majestates Caesareo-Regias usque ad fores Ecclesiae, ubi per Easdem dimittitur.

Ante fores Ecclesiae aderit Currus Aulicus, cui adjutorio Supremi Camerarii, Supremi stabuli Praefecti, et Supremi Aulae Praefecti Suae Majestatis Caesareo - Reginalis altefatae Suae Majestates Caesareo-Regiae insidebunt, et in comitiva horum Officialium aulicorum, supremae item Aulae - Praefectae, ct illustrium pro servitio destinatarum Dominarum aliis aulicis curribus vehendarum ad solitam Residentiam concedent.

Currum Suarum Majestatum Caesareo-Regiarum stipantibus |ex utroque latere 12 Praetorianis lmngaricis.

Sua vero Majestas Regia sub sono omnium Campanarum inde a praedesignata porta templi, cum comitatu suo pedes, usque ad Templum Franciscanorum super ponte ligneo, rubro viridi et albo panno tecto, uno tractu procedet; erit autem ordo processionis sequens:

4 *