1830 Irományok • Acta Comitiorum Regni Hungariae a serenissimo, ac potentissimo Imperatore, Hungariae, et Bohemiae Rege Francisco Primo in Liberam, ac Regiam, Civitatem Posoniensem in diem 8. Septembris Anni 1830. indictorum. / Posonii / Typis S. Ludovici Weber / 1830

Sessio 1

Acta Sessionis 1.

13

ad partem Evangalii sedet, Sella reclinatoria Serenissimi coronandi Regis deportatur usque ad infimum Arae gradum, ubi idem facta praevie erga Dominum Primatem inclinatione considet.

Dominus dein Archi-Episcopus Colocensis incipit alta Voce: Reverendissime Pater, postulat Sancta Mater Ecclesia Catholica.

Quo terminato praelegit Dominus Primas ex Pontificali Admonitionem.

Praelecta hacsurgit Serenisissimus coronandus Rex, duciturque per Assistentes Episcopos ad Altare Dominumque Primatem, ubi ad ultimum gradum, super pulvinar per Caesareo Regium Aulicum Ceremoniarium eo collocatum, ad genua provolvetur, ac de servanda Justitia, et Pace Juramentum praestabit, illudque impositis super Librum Evangelii ambabus manibus, his verbis concludet: „Sic me Deus adj uvet, et haec Sancta Dei Evangel i a.“

Post quod Dominus Primas Ei Crucem ad osculandum porriget,

Deposito Juramento Serenissimus coronandus Rex expanso ad infimum' gradum ex parte Evangelii, tapete, et tribus perCerimoniarium Regium eo depositis Auro obductis Pulvinaribus inclinat faciem suam sub recitandis per Dominum Primatem Omnium Sanctorum Litaniis ad Terram, et reliqui Episcopi respondent pariter flectentes, usque ad versum: „Ut omnibus fidelibus defunctis“ ad quem Dominus Primas surgit, Pedum Episcopale ad sinistram sumit, et continuata Oratione facit duas Cruces super Serenissimum adhuc super pulvinaria inclinatum coronandum Regem, quod etiam a reliquis Episcopis flectendo fit.

Finitis Litaniis et oratione, quae incipit; %,0 mnipotens sempiterne Deus“ erigit se Serenissimns coronandus Rex ad genua, et Dominus Primas legit Praefationem alta voce; post hoc surgit adjutorio Assistentium suorum, vaditque in eorum et Magistri Curiae, ac Cubiculariorum Regalium, duorumque ad servitia sua praesentium Camerariorum Caesareo-Regiorum Comitiva post Altare Magnum, fine praeparationis pro Unctione.

Paulo post redit cum eadem comitiva, provolvitur ad genua super pulvinari ad supremum Magnae Arae gradum per Cerimoniarium posito, ubi Dominus Primas Eum in Innuero dextro, ac demum ad pectus, inter Orationes, oleo Catechumenorum ungit; quo facto confert se denuo cum eadem comitiva post Altare Magnum pro abstersione, ubi Sandaliis Sancti Stephani induitur.

Reversus e posteriori Arae parte confert se sub praedicta Comitiva ad Thronum suum, provolvitur ad genua, curatque Sibi medio Assistentium Episcoporum, Curiae item et Cubiculariorum Regalium Magistrorum, Regium S. Stephani Paludamentum appendi. Post quod Sacrum cantatum , inter Sonum Tubarum, et Tympanorum exordium sumet, et usque ultimum versum gradualis continuatur. Quo tempore, Dominus Primas cum Assistentibus Episcopis denuo ad Aram Majorem, Cornuque EÍvangelii accedit, et Insignia Regia super pulvinare bissinum ad Altare deponuntur.

Sua Serenitas Rex coronandus sequitur paulo post, comitatus Assistentibus Episcopis, nec non Curiae,'et Cubiculariorum Magistris, Capitaneo item Nobilis Turmae Praetorianae Hungaricae, ad Altare Magnum, ubi uno gradu, altius, quam antea, genuflectit, Caput versus Dominum Primatem inclinat, ab eoquc nudatum S. Stephani Ensem ad dextram accipit, qua occasione Dominus Primas sequentia profert: „Accipe Gladium de Altari sum turn4* quibus dictis recipit Gladium, imponit vaginae, surgenteque coronando Rege, lateri ejus ope Dominorum Assistentium Episcoporum, Curiae item, et Cubiculariorum Magistri, sub sequentibus expressionibus appendit: „Acci ngere G lad i o.“ Quibus taliter Actis, convertit se Rex coronandus ad Populum, evaginat Gladium, cumque more solito antrorsum, a dextro item, ac demum sinistro latere in formam Crucis vibrat, tandem vero recondit eum rursus in vaginam.

4