1825-1827 Irományok 3. • Acta Comitiorum Regni Hungariae a Serenissimo ac Potentissimo Imperatore, Hungariae, et Bohemiae Rege Francisco Primo in Liberam, Regiam Civitatem Posoniensem in diem 11. Septembris Anni 1825. indictorum. / Posonii / Typis S. Ludovici Weber / 1825-1827
1827 / 250. ülés
timaliones ad Comitatus dimitti debuerint, hinc Terminus pro o. Mensis Decembris ejusdem Anni 1810. ad Civitatem Debreczen praefixus est, in quo Deputatio rursus id comperit, quod materialia quidem influxerint, sed non ita comparata, ut in debitam pertractationem sumi potuissent, datae itaque iterum nonnullis inviationes, quae necessariae videbantur, aliqua vero decisa etiam, atque ita evenit, quod Operationes Deputationales in Annum 1811. protendi debuerint, et Relatio finalis in Comitiis eodem Anno 1811. celebratis exhiberi non valuerit. Comitiis ab eo tempore non celebratis , operatio quidem adhaesisse videbatur, sed effectus docuit, quod quae Annis 1808. 1809. 1810. et respective 1811. ratione vinci non posse videbantur, subseque per moram sanata sint, ita ut quaestiones et differentiae, quae inter aliquos Comitatus occurrerunt, vel per mutuam Comitatuum coalitionem, vel per Commissionis Regnicolaris decisionem, aut qua objectum Legis non constituentia seposita, aut decisa, per illos quos feriebant Comitatus in realem effectum deducta, ab eo momento subsistant, et sic reali effectu canonisata, vigore citati Articuli, ut res judicata consideranda sint. Ille Legis contextus, qui mutuas inter Comitatus concertationes ineundas, atque coalitiones tentandas disponit, una et id, quod seu succedant coalitionum tentamina, seu non, reiy Commissio Regnicolaris decidere possit ac teneatur, ordinat, superfluum reddere videtur illud, ut quae per decursum operationis occurrerunt scripta et correspondentiae inter Deputationem Regnicolarem et Comitatus isthic minutim referantur, nonnisi Actorum molem auctura, Deputatio etenim in illa Legis clara basi operabatur, ut res mutuis coalitionibus superetur, et nonnisi tunc se in decisionem immisit, dum Comitatus convenire non posse videbantur; sed et illud superfluum forte esset, ut rationes et fundamenta decisionum cum scriptis pro et contra exaratis isthic deducantur, quia hoc Lex non tenet, sed diserte id habet, ut Regnicolares Commissiones in obsequium Articuli 28. operantes, objecta decidant, rem taliter videlicet, vel per mutuam coalitionem vel Decisionem Commissionis decisam, fine solum Inarticulationis Comitiis referat, quae Activitas aliis Deputationibus in obsequium Articuli 67. de Anno 1791. operantibus, per Comitia attributa non est; illud porro humillime observandum adhuc occurrit, quod omnes mihi adlaterati a tempore exmissionis nostrae Anni scilicet 180 . emortui sint, excepto Comite Ludovico Rhédey, quem (ut audio) infirmitas gravior a Comitiis praesentibus prohibuit; hinc fit, quod hanc humillimam Relationem solus nonnisi exhibere possim, verum felici omnino fato evenisse insinuo, quod ea, quae decidi debuerunt, eo adhuc tempore superata et decisa fuerint, dum plerique ex nunc jam defunctis vivebant, et una mecum cooperari potuerunt. Caeterum ad illum casum, si aliquis e Comitatibus quaestionem aut difficultatem quampiam moveret, eamque Serenitati Vestrae Caesareo- Regiae, prout nec secus esse potest, substerneret, Vestrae vero Serenitati Caesareo - Regiae semet informari, mecumque mandare benigne videbitur, paratus semper sum ad specifice movendas quaestiones respondendi, et rem clarificandi. His
