Opinio Excelsae Regnicolaris-Deputationis motivis suffulta, pro pertractandis in consequentiam Articuli 67: 1790/1 elaboratis Systematicis Operatis Articulo 8. 1827. exmissae circa objecta Rei Literariae. / Posonii / in Typographia S. Ludovici Weber / 1831
De Gymnasii
48 tum nullam ostendunt emendationis spem, sed aliis plane offendiculum praebent, cum consensu Superioris Directoris removeantur. §. 129. De studiis omnibus et progressionibus juventutis constare debet Directoribus, quapropter instituent tentamina privata, quoties e re visum fuerit.— Duo erunt publica et solennia, ab evoluto Semestri tempore semestria, ad quae possunt quidem aceedere hospites et exteri etiamsi non invitentur, immo danda est opera, ut frequentes adsint et illustres, fiatque non levis rerum adparatus. Finitis tentaminibus expendentur responsa, haec ultima revocantur ad rationes speciminum toto Semestri spatio praestitorum, fitque ex horum complexu coordinatio Classum, ac tandem Classificatio solenniter promulgatur. — Informationes semestres per Magistros scriptas, Director accipit, et suo etiam cum nomine Superiori Studiorum Directori geminatis in exemplis praesentat. — Testimonia vero scholastica sua manu et Ollicii sigillo roborat, et quibus postulant, taxa sine omni tradit. §. 130. Altera pars officii quod habent Directores est cum Magistris. Si quid novae praeceptionis aut constitutionis adferatur a Tribunali superiore, sine mora promulgabunt, exeeutioni insistent, et sedulo elaborabunt ne Magistri suis partibus desini. Igitur eos, qui peculiari sunt industria, Directori Provinciali commendabit, desides et aberrantes primum amice, dein severius admonebit, et si necesse sit ad Concilium Magistrorum advocabit. — In his, quos saepe negotiis ita postulantibus convocabit Director Consessibus, adierant in medium sua sensa Magistri, et studeant omni quo possunt modo adesse Directori, communemque scholarum utilitatem unitis animis et viribus promovere. Si quid erit gravius quam ut hic superari queat, ad superiorem Studiorum Directorem appellabitur. §. 131. Interea, quae Directores cum Magistris et discipulis agunt officia, sunt etiam, ut curam Musaei, Bibliothecae, supellectilis scholasticae et universi aedificii habeant, expensaeque, quarum urgens evenit necessitas cum parsimonia fiant. — Vigilantiam demum ad eos etiam quantum licebit exporriget, qui vel in ipso Gymnasio, vel ejus vicinitate Nobilium liberos privatim erudiunt, aderitque iisdem Consiliis, ut Institutiones suas,normae praescriptae adeomodent. Caput VIII. Instructio Professorum in Scholis Ilttmanitatis. Multa immo plurima coadunata praecepta, quibus exacte observatis Professor famam probi, docti, periti, solertisque docentis merebitur, salutaria sunt et optima. Sed quia illa quae morales qualitates viri aliis praeficiendi respiciunt, ex ipsa bac nobili destinatione fluerent, quaeve doctrinam et ejus methodum regulant, praeceptis Paedagogiae et Methodologiae exhaurientur, itaque nulli Professorum quos juxta superius proposita cursum Praeparandorum cum approbatione absolvisse oportet, ignota esse possint; non videbatur Deputationi huic necessarium esse , ut minutam singulorum discussionem ingrediatur, sed maxime necessaria, per summos duntaxat apices attingenda, tam huic, «piam insequenti Capiti de Professoribus Scholarum Grammaticarum tractanti, suffectura censebat. Construentur illa ergo in hanc formam : §. 132. Genera Gymnasiorum, sicut Scholarum Grammaticarum duo sunt; alia enim administrantur per Religiosos, alia per alios e vario vitae statu delet
