Opinio Excelsae Regnicolaris-Deputationis motivis suffulta, pro pertractandis in consequentiam Articuli 67: 1790/1 elaboratis Systematicis Operatis Articulo 8. 1825/7 exmissae circa objecta ad Deputationem Publico-Politicam relata. / Posonii / in Typographia S. Ludovici Weber / 1831

I. Coordinatio Comitiorum, cum Projectis 11. Articulorum

n

A r t i c u 1 u s IX.

De Securitate . et Commoditate Dia et alium Membrorum.

Praeter vigilantiam Legum, quae omnia Diaetae Membra, imo et eos, qui ad Diaetam recurrunt, sub salvo conductu esse volunt, de securitate eorum localis Jurisdictio prospiciet.

%. 1.

Civitas autem, in qua Comitia celebrantur, hospitia gratuita Membris Diaetalibus dabit; Officio Agazonum , Janitorumque Regalium Magistrorum, circa ea, quae vi muneris sui hactenus procurabant, ultra etiam salvo permanente.

Quantum ad Diurna Ablegatorum Comitatuum: varia variis temporibus, eaque nec in ipsis Comitatibus aequalis ubique obtinebat horum solvendorum ratio. Ne enim prorsus vetera memorentur: Relationes Excelso Consilio Regio, in sequelam Intimati de 14. Aprilis i"3o. circulariter dimissi, factae perhibent: concurrisse ad haec ubique Nobiles, pluribusque in Comitatibus neque illos, qui per Regales ad Comitia vocabantur, exemptos fuisse, Cassam autem Domesticam plurimis in locis perinde oneris hujus partem tulisse. Erant praeterea Comitatus, in quibus usque legalem Comitiorum terminum in genere per Nobiles possessionatos, ac Armalistas, pro eo autem tempore, quod ultra erat, ex Cassa domestica Diurna haec pendebantur. Omnibus hujus pluribus quaestionibus implexi objecti adjunctis^ atque haec inter, praecipua illa circumstantia, quod non desint Comitatus, quorum partem longe maximam Tractus Dominiorum, per eos, qui personaliter ad Comitia evocabuntur f possessi, constituunt, omnem in partem expensis, ac propositionibus etiam, quae circa conflandam Cassam Regnicolarem, atque ex hac, vel solos Comitatuum Ablegatos, vel, uti aliis videtur, omnia, utriusque Tabulae Individua, pro ratione Officii, et Characteris, assignandis Diurnis providenda, factae sunt, liberatis: Excelsa Deputatio paulo ante memoratum Comitatuum exemplum, velut ad aequitatem, et ipsam de 4_ta Januarii 1791. Comitiis intimatam Divi Leopoldi II. ac Statuum etiam diaetaliter congregatorum, mentem, proxime accedens, amplectendum, cunctosque gremiales respectivorum Comitatuum Possessores in proportionatam obligationis solvendorum Diurnorum partem vocandos, rata est, eo, quoad illos, qui personaliter ad Comitia evocantur, aut iis, qua Repraesentantes Comitatuum intersunt, subnexo, ut hi ab illa duntaxat possessorii sui parte, quae ultra 5o. Sessiones, aut quod his aequiparabile est, ad Diurna haec, pro trimestri ad expedienda in sensu Articuli i3: 179?Comitialia negotia passim necessario, solvenda, concurrant. Etsi enim e numero horum inprimis illos, qui praecipuis in Regno Magistratibus praesunt, causa Comitiorum non mediocres habere sumptus in comperto sit: credi tamen non potest, quemquam eorum luturum , qui exilem eam summam , quae ex trimestrali Diurnorum horum quantitate solvenda obtingit, majoris aestimet, quam gravia consectaria difficultatum, quae ex conflanda communi Cassa, requisita proventum cujusque stricta eruitione, eaque in evidentia servanda, inviso item calculo sumptuum, quos hic, aut ille Comitiorum causa habet, necessario emergerent. Pro tempore, quod ultra trimestre spatium est, una omnium Excelsae Deputations Commembrorum ea est opinio, ut haec ex Cassa Domestica per Contribuentes, ab alio ad expensas Comitiales concursu immunitandos, dependatur. Atque Nuneiorum etiam Civitatum Diurna, exposcente id ipsum correlatione, et situ, qui eisdem in Corpore Legislative