Opinio Excelsae Regnicolaris Deputationis pro pertractandis in consequentiam Articuli 67: 1790/1 elaboratis Systematicis Operibus Articulo 8. 1827. exmissae, de objectis ad Deputationem Contributionalem-Commissariaticam relatis depromta. / Posonii / in Typhographia Ludovici Landerer de Füskút / 1831
Projectum
Ia Operato primaevae Regnicolaris Deputations super coordinatione Cassarum civicarum pauca admodum sunt, quae in merito regnicolari huic Deputationi immutanda esse videantur. Illam quidem Sententiam , qua in principio statuitur ; Civitates nui dehinc Dicasterio s nominatim Consilio Regio Locumtenentiali subordinandas esse s tamquam penitus suo e sensu expromtam ultro amplectitur praesens regnicolaris Dcputatio; diutina namque experientia jam affatim compertum intelligit, duplicem illuni subordinations nexum, quo hinc Consilio Locumtenentiali Regio; Camerae Regiae Hungarico Aulicae illinc obnoxiae sunt, scopo, qui seu in magis apposita Cassarum regulatione, seu in recta ipsarum Civitatum admiuistratione intenditur, haud satis congruere, id vero salvis Sacrae Coronae in haec sua peculia juribus posse omnino effici, cum Divi Caroli III. olim sub quo is ordo viguit, tum nostro pene aevo divi Josephi II. gubernatio qua postliminio idem restitutus luit, exemplo juxta ac documento habetur. Ceterum Ad Operati §-phum 3-tium, qui habet: ut Perceptores Restaurationi subsint, cum stabilitas in Officio hoc permultum possit ad rectam ordinatamque functionem eo etiam respectu conferre, quod fluxae metu sortis remoto futurum procul dubio sit, ut illud eximiis etiam praediti dotibus viri ambiant, isthaec regnicolaris Depulatio Perceptores eligendos quidem a communitate, sed deinceps a restauratione exemtos esse debere existimat. Ad §-phum. 4-um. Appellatio Cassae cameraticae antiquanda, atque ab exemplo aliarum Jurisdictionum domesticae substituenda videtur; porro quod jam in plerisque Civitatibus usu venit, in amplioribus, ubi ambarum Cassarum frequentissime et perceptiones, et erogationes sunt, qua ordinis, qua securitatis gratia majorem in modum interessé, ut singulae Cassae singulis Perceptoribus et Contraagentibus procurandae concredantur. Ad §-phum 8-um. Ex institutione Officii consularis dirigendae rei oeconomicae, et cassali praepositi, Consuli dumtaxat, non Judici etiam interim faciendae assignationis potestas in regula tribuenda censetur. Ad §-phum 11-mum. Intuitu Nobilium, itemque contribuentium civium in pendendo Tributo restantium , proponitur Articulus cum suis una motivis. Ad §-phum 34-um. Siquidem in Civitatibus perinde binae Cassat, contributionalis altera, altera domestica, duplici e fonte, tributo nempe, et peculio Civitatis conflari solitae, constituantur, compellatio seu praestationis, seu Cassae Gabalis velut notionum confusioni facile ansam praebitura, minus congrua videtur, neque deinceps usurpanda. Postremo cum in eodem Operato de Cassa domestica peculiariter non agatur, quaeque ad probam ejus administrationem pertinerent, speciatim percensenda, atque subjungenda, ipsum demum Operatum in hanc, qua isthic exhibetur, formam redingendum esse praesens regnicolaris Deputatio existimat: Projectum Coordinandarum Cassarum •ivicaruiiL §. 1. Praestabilito in thesi eo: ut Liberae Regiaeque Civitates uni duntaxat Ricasterio deinceps, nominatim Consilio Regio Locumtenentiali subordinentur. l *
