Opinio Excelsae Regnicolaris Deputationis pro pertractandis in consequentiam Articuli 67: 1790/1 elaboratis Systematicis Operibus Articulo 8. 1827. exmissae, de objectis ad Deputationem Contributionalem-Commissariaticam relatis depromta. / Posonii / in Typhographia Ludovici Landerer de Füskút / 1831
Projectum
12 computiim Comitatni referre debeat, ut memoratus Extractus ea in parte modificari valeat, — Demum in rubrica sub L. totalis praestatio inducenda erit. §. 28. Cum exitu cujuslibet anni praestationes universae, ducta linea, in summam addendae erunt, quae si stantem e regione competentiae summam non adaequent, ut incassanda adhuc maneat restantia, tum totius anni praestatio a summa totius competentiae subducatur, et ducta inferius linea, actum hunc ad annum integrum referri demonstratura residuum sub titulo incassandae pro praeterito exhaerentis restantiae, ad rubricas B. et C. inseratur. — E contra, si major occurrerit praestationis summa, quam totalis competentia, adeoque supererogatum emergat, tunc summa competentiae viccversa a totali praestatione supputanda, resultansque differentia nomine supererogati anno futuro imputandi ad rubricas G. et H. exponatur, quod sub Nro. III:— 3. in exemplo etiam conspicuum est. — Verum cum idgenus supererogatum anno subsequente realem Cassae perceptionem non efficiat, imo qua positio, per contribuentum effective praestita, eidem a currente quanto subtrahi debeat, superogatae idgenus summae in tabella confrontationali nunquam paratae solutioni immiscendae*, sed ad Rubricam supererogati anni praeteriti, inducendae erunt. Quod extraordinarias Cassae contributionalis perceptiones concernit uti e. g. sunt defectus ex ultimo revisis rationibus perceptoralibus eruti etc. hae quoque modo, in libri Officii sub Nro. III. — 5. contento exemplari demonstrato, per suas species separatim in perceptum sumendae erunt. Quoad rubricas erogationis libri Ofdcii Cassae contributionalis. §. 29. Siquidem e capitali Officii libro omnium individualium partium et rubricarum status dignosci, conspicique hebeat, erogationis rubricae eodem prorsus ordine, quo se in rationibus excipiunt, huic quoque libro inserendae erunt, ita tamen, ut pro singula rubrica distincta semper pagina destinetur: posteaquam igitur Officium Perceptoratus assignationem receperit, illico summa eroganda in concernente rubrica, facta ad datum assignationis provocatione, in latere competentiae inseratur, ut, hoc habito, dum solutio desiderata fuerit, ejus in latere praestationis insertio rite fieri valeat. Si particulari Ratiocinanti anticipatio e. g. pro coemendis ad rationem intertenendae militae naturalibus pecuniae e Cassa domestica numerentur, observandum erit, ut similis, erogatio Diario Cassae domesticae et capitali etiam libro in rubricam erogationis inducatur. Cum autem acceptatio cominissariatica subsecuta fuerit, tum haec acceptatio in Diario Contiibutionali pariter ac libro Officii in perceptum sumatur, sed vicissim in erogatum quoque exponatur, et in Diario Cassae domesticae, velut mutuum illi refusum , ir; perceptum reassumatur ; cujus id consectarium erit, ut, si acceptatio summam expensam adaequet, Cassa domestica plene contentanda sit; —- si lucrum accreverit, hoe in beneficium Cassae domesticae cessurum; sin damnum, illud tacite in deperditam abiturum sit. Caeterum libro Officii ad concernentem positionem semper rationes particulares per Magazinarium super coemptis et erogatis naturalibus modo, qui sub V, et VI. exhibetur, concinnandae adnecti debebunt. Ne autem liber hic, majoris molis, quolibet anno confici debeat, ita aptandus est, ut singulo loco contribuenti pro debita tam obtingentis annui, quam praestationis insertione, et cuivis distinctae seu perceptionis, seu erogationis rubricae una vel pluribus, prout videlicet majoris, vel minoris faciendae insertionis necessitas praevidebitur, paginis destinatis, per plnres annos durare possit. f
