Opinio Excelsae Regnicolaris-Deputationis motivis suffulta, pro pertractandis in consequentiam Articuli 67: 1790/1 elaboratis Systematicis Operatis Articulo 8. 1827. exmissae circa objecta Rei Literariae. / Posonii / in Typis S. L. Weber / 1830
Sectio 3
\ I 11 sime narrari, et non ultra differri possit. Ut tamen imbecillitas Discipulorum adjuvetur, consectaria ex narratione qualibet suapte fluentia, epilogi instar, ubique subnectantur. §. 71. Obtinget anno isthoc Tyronibus, Hungáriáé Provinciarumque eidem adnexarum Geographia, ac primum quidem proponetur Mappa universalis terras bas in partes coloribus distinctas exhibens, transibitur porro ad subdivisiones in Districtus et Comitatus, ac tandem initio ab illius in quo Schola constituitur descriptione facto, ad reliquos pededentim transitus fiet. §. 72. Latinitatis institutio ad tria potissimum Capita revocabitur nimirum : a) Ut Adolescentes quantam maximam poterunt vocum latinarunt copiam memoriae imprimant. b) Ut regulas ejusdem sermonis clare ac distincte pervideant. c) Ut facultatem latiné scribendi et legendi consequantur. Ilis assequendis necesse erit, ut primitiva linguae latinae vocabula Tyrones quam plurima memoriae mandent, recolantque frequentius, ex his contexenda erunt argumenta brevicula e norma regularum anal} t ice explicanda ac in vernaculam etiam linguam traducenda. Argumenta porro hunc in modum tractata domi ab unoquoque describenda erunt, proxima occasione in Scholis revidenda. Proponetur praeterea ea Grammaticae Pars, quae de octo ut vocant Orationis partibus agit. E Chrestomathia denique desumentur ex optimis authoribus sententiae quaedam morales, Adagia, Colloquia familiaria, Fabulae etc. §. 73. Principia linguae patriae primo anno explanari coepta, ultro nonnihil ad difficiliora protendentur, studiaque idiomate hungarico ibidem proposita, pari modalitate continuabuntur. Tempus et ordinem rerum designat Tabula sub Nro. VIII. 1 ' Caput IV. De Norma studiorum in ScAolis Grammaticis Anno tertio. §. 71. Orthographia et Calligraphia quemadmodum annis superioribus exer cebitur, doctrinaque Christiana novis accessionibus cumulabitur, adductis e Libris Sacris atque Christianae Ethicae praeceptis. / §. 75.
