Ratio Educationis Publicae totiusque Rei Literariae per Regnum Hungariae et Provincias eidem adnexas (Buda, 1806)

Pars Prima - Sectio II.

quis prudenter imponat teneris etiamnutn Puerorum humeris? Vt igitur ex Historiae studio solida quaepiam redeat vtilitas, praestabit peculiarem gentis vnius Historiam enucleate pertractandam summere ; id quod in Domesticam inprimis con- uenire in confesso est : vt scilicet aetas tenera Regum, quibus paret, res gestas norit ; vt annales Populi, vnde originem ducit, et Regni, cuius ciuis aliquando erit , vicissitudines ediscat. —• Quid vitra? anne tanta est Patriae Historiae egestas, vt careat exemplis, quibus Adolescentes in- flammentur ad seruandam Principi fidem; ad amorem et obsequium Patriae; ad alias bono Ciue dignas virtutes? Immo vero, plena est adeo Historia nostra praeclaris, pulchrisque facinoribus, vt delectum eorum facere, Scholisque dare compendio iis maxime sit arduum, qui pleniorem temporum , rerumque gestarum cognitionem possident, virtutumque pretium propius vident , et penitius sentiunt.

$• 43Ad Geographiam quod adtinet: non alius est eidem finis praestitutus, quam vt Adolescentes regionis, quam in examen vocant, plenam adipiscan-